影片
更多
2009-04-03
16 瀏覽
1-4-2009再跟甜魔食友們掃餐牌, 今次0黎到德福 Ruby Tuesday, 目標當然係 tallcake 及各類朱古力甜品! 先叫幾款鹹食打打底:-Spinach Artichoke Dip 配 tortilla chips: 主角係個 dip, 不過只食到落了 Parmesan cheese 及菠菜茸, artichoke 呢? 黑 / 黃色 tortilla chips 脆卜卜, 味道現成, 不過配埋個 dip, 都幾好食.Chicken wings / Fire Wings: 唔辣的 chicken wings 幾好食, supposed-to-be-辣的 buffalo wings 就甜而不辣; 但最好食係 on the side 的 blue cheese dressing, 芝味極濃, 正! 用呢個送 tortilla, 比 spinach dip 仲好食 Caesar salad with Portobello Mushrooms: 唔夠搶, 食唔到條狀 portobello mushroms 又食唔到 croutons tim...Shrimp Di
再跟甜魔食友們掃餐牌, 今次0黎到德福 Ruby Tuesday, 目標當然係 tallcake 及各類朱古力甜品!
先叫幾款鹹食打打底:-
Spinach Artichoke Dip 配 tortilla chips: 主角係個 dip, 不過只食到落了 Parmesan cheese 及菠菜茸, artichoke 呢? 黑 / 黃色 tortilla chips 脆卜卜, 味道現成, 不過配埋個 dip, 都幾好食.
Chicken wings / Fire Wings: 唔辣的 chicken wings 幾好食, supposed-to-be-辣的 buffalo wings 就甜而不辣; 但最好食係 on the side 的 blue cheese dressing, 芝味極濃, 正! 用呢個送 tortilla, 比 spinach dip 仲好食
Caesar salad with Portobello Mushrooms: 唔夠搶, 食唔到條狀 portobello mushroms 又食唔到 croutons tim...
Shrimp Diablo: 即 penne a la creme with shrimps and Parmesan cheese... 蝦十分爽口, penne 幾有彈性, cream sauce 就杰而不夠 buttery, Parmesan 芝味濃但落得唔夠多, 總知到喉唔到肺啦.
Jumbo Lump Crabcake: 幾欣賞蟹肉落得夠多, 不過新鮮度真係麻麻, 又煎得唔夠脆, 食落腍腍糊糊又帶少少腥, 唧點檸檬汁或蘸點酸酸甜甜的 dressing 較好. On the side 唔知點解有堆濕濕的炒飯, 燈籠椒味強烈, 唔0岩食; 身邊的 Y2 就話西蘭花「好腍」, 我唔敢試了...
Ruby Minis: 袖珍版牛肉 burger 一客 4 件, 不過唔夠分, 無食; on the side 的薯條就唔錯, 脆口又夠香薯味, 好食.
Chicken Minis: 呢個唔好食, 雞 patty 唔止好硬好乾, 仲無喱味道的; 好在個包烘得夠鬆脆, 不錯.
Colossal Burger: 包如其名的 colossal, 我0地咁多人, 每人都分到唔少! 牛肉 patty 厚厚的, cheddar 半溶, 不過肉味一般又無乜肉汁, 芝味亦唔特別突出, 好睇多過好食.
Cheddar fries: 芝士夠溶, 芝味夠, bacon bits 夠香夠多, 薯條夠香, 配上 sour cream 幾好食. 比起街邊貨 (http://www.openrice.com/restaurant/commentdetail.htm?commentid=1973737), 呢個當然好得多, 不過我始終覺得 (以前) Outback 的 cheese fries 比呢度好, 唔講太多了.
跟得「甜魔」們食飯, 當然甜品先係主角, 整體水平亦比鹹食好:-
Chocolate / Strawberry Tallcake: 呢度「名物」之一, 點可以錯過? 巨杯內除0左 sponge cake 之外, 仲有勁多雪糕及 whipped cream; 兩款中就以 strawberry 較好食, strawberry 味好香, 配上滑滑 vanilla 雪糕, 好食; 朱古力都不錯, 不過可能期望太大, 朱古力味無想像中咁濃, 有少少失望.
Double chocolate cake: 貌似心太軟, 實質為「扮心太軟」, ie 實心 sponge cake 面頭有一大 pat 朱古力漿. 朱古力味算 ok, 蛋糕夠濕, 配上雪糕都及格的.
Strawberry & ice cream: 用 martini 杯 serve, 內有大量雪糕及 fresh strawberries. 試了少少 vanilla ice cream, 幾香滑, ok 的.
Blondie: 即 sticky brownie with caramel, 暖暖的, 好黐牙, 味道好甜好甜, 果然係美國食物 @_@"
Brownie sundae: 係 chocolate brownie + vanilla ice cream, 全晚最濃朱古力味係佢, 亦係全晚最好食的一碟!
另外仲有朱古力及士多啤梨 ice cream sundae 3 大杯, 不過胃納有限, 食唔落了. 話時話, 食友們真厲害...
Service 同環境都係咁, 燈光幾黑, 影相好困難
用了食友 M 借出的 privilege pass, 50% off 埋了單, 每人夾了 $110, 勁抵. 雖然我覺得甜品唔係非吃不可, 但咁多人咁掃場法, 係幾有趣又好開心的一晚 -- 多謝食友「囧」的安排!
張貼
