美心西餅 (已結業)

難得聖誕節開聖誕party點少得買一個蛋糕呢？最近美心西餅推出左一系列以聖誕做主題嘅蛋糕, 咁特別當然要買翻個開party一齊食啦! 因為怕聖誕節即場都美心西餅購買會冇聖誕蛋糕, 所以提早喺美心西餅嘅分店訂咗, 咁就唔怕到時冇得買啦😁因為開party關係嘢食種類都有好多, 為免聖誕蛋糕食唔晒而浪費所以我哋都選擇咗一個比較細size嘅蛋糕魔鬼蛋糕 $128外型打做得好有聖誕氣氛, 聖誕樹葉用朱古力造成, 其實都係裝飾用唔會食🙈🙈🙈 魔鬼蛋糕以朱古力做, 除咗朱古力cream之外, 內裡嘅蛋糕都係朱古力, 味道其實唔算太甜, 不過個人感覺蛋糕比較少而cream實在太多, 因為個人感覺唔太鍾意食cream嘅關係整體感覺一般