Freshness Burger (已結業)

食完終於明白點解佢叫Fressness burger，因為佢ｄ材料真係好fresh囉唔係講笑！哩個Classic Cheese Burger真係要試！睇下佢ｄ生菜，又爽又脆，仲有damdam都係溶晒o既cheese，重點係塊扒真係好好好好好juicy，最緊要夠厚！實厚過mos,burgerking....個人認為唔係大塊就好，厚先有口感架嘛！個包本身都要讚，因為非常鬆軟！食完哩個包真係好滿足，因為佢樣樣材料都無挑剔o既地方！仲有係我覺得佢ｄ料整到岩岩好！唔會多得過份，食完之後個袋都唔會整到好多汁漏出黎，唔會le hea。第二次食左個menchi burger，明治漢堡，哩個就真係麻麻，塊肉炸得有ｄ燶，（類似吉烈豬扒），都係食返牛好ｄ。薯角薯塊都好正！佢一定冇翻炸，真係新鮮！洋蔥圈係好香，但略為油左少少，個外皮亦有少少硬。