影片
更多
2021-06-12
47 瀏覽
呢間舖真係好過份！點解d野食可以咁好食？？！！點解可以有咁多種類既特色咖啡但咁平？？！！點解我晚飯時間7:30去食可以坐唔滿？？！！點解d員工可以咁有禮貌？？！！點解淨係收現金無卡機要同我講唔好意思？？！！係咪痴線架！！係鹿鞍山呢個沙漠有呢個質素應該要上市啦！仲要係一間有良心嘅餐廳！😭人泥！！快d去食爆佢！！講返嘢食先～話說我哋一行三人叫咗一份鹹蛋黃單骨雞翼、一份韓式炸雞併窩夫、一個巴馬火腿三重芝士pizza、同埋一個熔岩芝士原條鰻魚飯配蝦串，一人一杯嘢飲，但嘢飲同Pizza唔記得影相😢個單骨雞翼超驚喜，雖然係炸又鹹蛋黃但係又唔會好膩，一開始就上呢一個真係一陣風就冇晒，因為實在太好食，但係我哋都忍住唔encore😂唔想眼闊肚窄😅之後上個韓式炸雞，又係一個新驚喜，炸雞唔錯，我鍾意嗰醬比較偏甜，初初以為併窩夫又咸又甜會好怪，但完全唔會，個窩夫係比較硬實嘅類型，但其實脆脆地又好好食😋之後嚟咗個Pizza同鰻魚飯，個Pizza好脆好薄，巴馬火腿份量正常，呢個配搭我覺得有少少偏鹹，但如果係比較鍾意重口嘅人應該覺得啱啱好。個芝士鰻魚飯勁飽肚！我唔記得嗌小飯⋯⋯最後個飯係食唔晒嘅😅如果女仔叫記得嗌小
點解d野食可以咁好食？？！！
點解可以有咁多種類既特色咖啡但咁平？？！！
點解我晚飯時間7:30去食可以坐唔滿？？！！
點解d員工可以咁有禮貌？？！！
點解淨係收現金無卡機要同我講唔好意思？？！！
係咪痴線架！！
係鹿鞍山呢個沙漠有呢個質素應該要上市啦！仲要係一間有良心嘅餐廳！😭
人泥！！快d去食爆佢！！
講返嘢食先～話說我哋一行三人叫咗一份鹹蛋黃單骨雞翼、一份韓式炸雞併窩夫、一個巴馬火腿三重芝士pizza、同埋一個熔岩芝士原條鰻魚飯配蝦串，一人一杯嘢飲，但嘢飲同Pizza唔記得影相😢
個單骨雞翼超驚喜，雖然係炸又鹹蛋黃但係又唔會好膩，一開始就上呢一個真係一陣風就冇晒，因為實在太好食，但係我哋都忍住唔encore😂唔想眼闊肚窄😅
之後上個韓式炸雞，又係一個新驚喜，炸雞唔錯，我鍾意嗰醬比較偏甜，初初以為併窩夫又咸又甜會好怪，但完全唔會，個窩夫係比較硬實嘅類型，但其實脆脆地又好好食😋
之後嚟咗個Pizza同鰻魚飯，個Pizza好脆好薄，巴馬火腿份量正常，呢個配搭我覺得有少少偏鹹，但如果係比較鍾意重口嘅人應該覺得啱啱好。個芝士鰻魚飯勁飽肚！我唔記得嗌小飯⋯⋯最後個飯係食唔晒嘅😅如果女仔叫記得嗌小飯🙂不過條鰻魚比較多細骨，食嗰時要小心啲。但整體兩個主食都唔錯，個人推介pizza！👍🏻
我哋其中一個人叫咗特色咖啡山度士，聽佢講係超好飲而且好抵！我唔太識，但下次我都會叫啲特色咖啡嚟試吓😉
鹹蛋黃單骨雞翼
$68
3 瀏覽
0 讚好
0 留言
韓式炸雞平窩夫
$108
2 瀏覽
0 讚好
0 留言
熔岩芝士原條鰻魚飯配蝦串
$148
5 瀏覽
0 讚好
0 留言
張貼
