影片
更多
2022-02-06
5002 瀏覽
呢度食物既選擇都幾多, 而且款式都幾特別, 重點係啲食物都係大大份, 仲要即叫即整, 上菜既時候熱辣辣咁就可以慢慢食唔洗怕啲野擺到凍曬🥰 呢度有毛豆同鹹菜作為開胃小食, 每款$15🙃竹笙素翅羹🍲($98)呢個羹勁足料, 大量木耳絲, 竹笙, 冬菇片, 金針菇, 蘿蔔絲🥕 加埋醋同埋胡椒粉真係勁好味😋雙拼餃🥟($68)本身諗住餃子都唔會有咩特別, 但係兩款餃子既餡料都勁足, 仲要味道都幾有驚喜😍 一款係蕃茄蛋薯仔餃, 食落甜甜地🥔 另一款係梅菜餃, 加埋啲木耳絲食落幾爽口同埋都係甜甜地, 兩款皮薄餡靚, 絕對值得試😋 除左餃仲配左少量既菜芯添🥬黑醋咕嚕🍖($88)平日不嬲都係咕嚕肉既忠粉, 連食齋都唔會例外😂 呢個用腐皮整成既咕嚕肉無論係味道同質感都好似食緊平時果啲咁, 個黑醋汁酸酸甜甜超入味, 真係愈食愈開胃, 連啲蓮藕, 紅蘿蔔, 茄子都勁好食同入味🍆蜜汁叉燒🥓($88)呢個菜都幾有驚喜, 色香味俱全, 色澤同口感同食緊肥叉冇分別, 而且都係勁入味😍😍羅漢齋炒麵🍜($78)脆卜卜既麵配上唔同配料加埋個茨絕對係冇得輸😍芝麻糕🍮($35)最後黎到甜品, 糕點有4件, 可以揀紅豆, 馬豆,
呢度食物既選擇都幾多, 而且款式都幾特別, 重點係啲食物都係大大份, 仲要即叫即整, 上菜既時候熱辣辣咁就可以慢慢食唔洗怕啲野擺到凍曬🥰 呢度有毛豆同鹹菜作為開胃小食, 每款$15🙃竹笙素翅羹🍲($98)
呢個羹勁足料, 大量木耳絲, 竹笙, 冬菇片, 金針菇, 蘿蔔絲🥕 加埋醋同埋胡椒粉真係勁好味😋
雙拼餃🥟($68)
本身諗住餃子都唔會有咩特別, 但係兩款餃子既餡料都勁足, 仲要味道都幾有驚喜😍 一款係蕃茄蛋薯仔餃, 食落甜甜地🥔 另一款係梅菜餃, 加埋啲木耳絲食落幾爽口同埋都係甜甜地, 兩款皮薄餡靚, 絕對值得試😋 除左餃仲配左少量既菜芯添🥬
黑醋咕嚕🍖($88)
平日不嬲都係咕嚕肉既忠粉, 連食齋都唔會例外😂 呢個用腐皮整成既咕嚕肉無論係味道同質感都好似食緊平時果啲咁, 個黑醋汁酸酸甜甜超入味, 真係愈食愈開胃, 連啲蓮藕, 紅蘿蔔, 茄子都勁好食同入味🍆
蜜汁叉燒🥓($88)
呢個菜都幾有驚喜, 色香味俱全, 色澤同口感同食緊肥叉冇分別, 而且都係勁入味😍😍
羅漢齋炒麵🍜($78)
脆卜卜既麵配上唔同配料加埋個茨絕對係冇得輸😍
芝麻糕🍮($35)
最後黎到甜品, 糕點有4件, 可以揀紅豆, 馬豆, 芝麻糕其中一款, 我地揀左芝麻糕☺️ 質感超有彈性, 食落超濃既芝麻味同埋都食到粒粒芝麻, 絕對真材料, 甜度仲要啱啱好😍
比起平日既齋菜館, 我覺得呢度既食物冇咁油, 同份量都幾大, 完全係高質齋菜館之選😇
張貼
