CoCo壹番屋 (新港中心)

營業中

休息中

今日中午我們去咗尖沙咀新港中心嘅「CoCo壹番屋」食午飯！我們叫咗紐紋薯條、香腸沙律、溫泉蛋特製吉列豬扒飯、溫泉蛋牛肉咖哩飯同溫泉蛋鷄肉秋葵豆腐咖哩飯！紐紋薯條炸得表面好金黃香脆，薯仔好爽滑！香腸沙律嘅沙律菜相當新鮮，味道好清甜，香腸係炸過，肉質都幾爽脆！溫泉蛋特製吉列豬扒飯炸得非常酥脆，肉質相當鬆化，而且肉汁都幾多，唔會好乾身！溫泉蛋牛肉咖哩飯嘅牛肉肉質超嫩滑鬆軟，牛肉味亦好香濃！溫泉蛋鷄肉秋葵豆腐咖哩飯係將鷄肉整成個肉餅，肉質好爽口彈牙，豆腐好嫩滑，再配埋秋葵一齊食，唔會有好油膩嘅感覺！咖哩汁超惹味濃郁，而且可以自己選擇咖哩汁嘅辛辣度！