影片
更多
2015-11-02
4874 瀏覽
有睇開杜如風D旅遊節目應該都會記得佢介紹過一間日本手工啤酒店無錯，就係COEDO喇原來唔一定要去日本先可以試到佢已經係香港開左分店架喇D啤酒仲要係坐飛機空運黎香港保證同日本飲到既一樣加上仲有得食埋串燒果日小公主好晏先食Lunch到夜晚都仲飽，所以就決定同男友黎試下喇香港店開左係銅鑼灣既fashion walk其實呢面都幾多野食(提外話:一定一定唔好食果間Eat it!!!伏到冇人有)佢有露天座位不過當日都有d熱，所以我地都係坐室內店內以黑色為主，再配上木製傢俱，簡潔有型坐低之後望下menu除左串燒同啤酒其實都仲有d前菜同主食既然呢到啤酒先係主角，梗係要介紹左佢先(利申:小公主其實對啤酒唔係好大興趣)COEDO有8款啤酒比你揀Menu上面無詳細介紹所以我地都係叫待應講解比我地知如果你心大心細咩都想試就可以好似杜如風咁點個beer platter，$120有5杯因為有一款想試既唔係個platter set到我地最後都係決定單點(前) COEDO毬花 – Marihana (XS/ $32)(後)COEDO紅赤 – Beniaka (XS/ $32)因為15:00-19:00有得免費up s
應該都會記得佢介紹過一間日本手工啤酒店
無錯，就係COEDO喇
原來唔一定要去日本先可以試到
佢已經係香港開左分店架喇
D啤酒仲要係坐飛機空運黎香港
保證同日本飲到既一樣
加上仲有得食埋串燒
果日小公主好晏先食Lunch
到夜晚都仲飽，所以就決定同男友黎試下喇
香港店開左係銅鑼灣既fashion walk其實呢面都幾多野食
(提外話:一定一定唔好食果間Eat it!!!伏到冇人有)
佢有露天座位
不過當日都有d熱，所以我地都係坐室內
店內以黑色為主，再配上木製傢俱，簡潔有型
坐低之後望下menu除左串燒同啤酒
其實都仲有d前菜同主食
既然呢到啤酒先係主角，梗係要介紹左佢先(利申:小公主其實對啤酒唔係好大興趣)
COEDO有8款啤酒比你揀
Menu上面無詳細介紹
所以我地都係叫待應講解比我地知
如果你心大心細咩都想試就可以好似杜如風咁
點個beer platter，$120有5杯
因為有一款想試既唔係個platter set到
我地最後都係決定單點
(前) COEDO毬花 – Marihana (XS/ $32)(後)COEDO紅赤 – Beniaka (XS/ $32)
因為15:00-19:00有得免費up size
所以點xs就變左s喇
我係飲毬花，味道比較淡而且有少少花香
個花香味好特別，女仔飲真係幾岩
另外男友既紅赤係釀造既時候落左蕃薯
飲落口雖然比毬花苦澀，但最後會有D甜甜地既味道
成個感覺有d似caramel (感覺咋，唔係個味道)
Homemade Potato Salad with Anchovies ($65)薯仔沙律入面有d魚干
個人就覺得唔多夾，有少少怪怪地
可能係因為方便送酒先加入魚干?
定係日本傳統既薯仔沙律都會加呢?
(前左) Yuzu Pepper Flavored Chicken Thighs with Leek ($38)雞肉夠嫩，唔錯
但我覺得可以燒得再乾身D
個柚子胡椒醬令成個串燒升級
柚子既清新加上胡椒既辛辣
令本來平平無奇既燒雞肉變得好有特色
(前右) Quail Eggs ($28)
鵪鶉蛋唔錯，蛋燒得岩岩好熟
入面既蛋黃好綿好滑
你一路沿條竹籤拉隻旦出黎
d黃會好似cream咁一路留係竹籤上面
代表佢唔係燒到硬哂熟哂，正!
(後) Pork Short Rib with Mango Salsa ($48)
個醬甜甜地好好味
減低左short rib既肥膩，不錯!
(左) Chicken Wings ($42)小公主好怕食除左雞皮，D雞肉係完全無味既雞翼
呢到既燒雞翼調味唔錯，唔會出現上述既問題
不過都係果句，可以乾身少少
而家唔夠乾身就會覺得有D油膩
(右) Tomato & Basil Rolled with Pork Short Rib
蕃茄唔夠甜同多汁
尖沙咀既YAYAKIYA做得好D
Angus Beef ($48)失望，好難咬得開
再靚既牛肉比你燒到過哂火都唔會好食
Chicken Meatballs with Cartilage & Basil唔錯但係有小小鹹
好彩有個Basil醬係到，減番d鹹味
小公主認為串燒方面仲有進步空間
如果正係為左食串燒，可以直接去第2到
不過如果係約左朋友
想飲杯野，坐下傾下計
又或者鍾意飲啤酒既
呢到都係一個唔錯既選擇
餐廳待應都好有禮貌
對店內既啤酒都好熟悉
相反個經理就唔得喇
話說當日我地企左係門口想話入去食
明明呀經理企左係接待個位
雖然一路聽緊電話(應該係有人BOOK位)
但明明見到有人等
完全眼尾都唔望一下
咁小公主唔係話要你Cut左個電話招呼我
不過at least你比個眼神我叫我等等
或者可以示意叫我地搵其他員工
我都企左成3/4分鐘佢都無理，佢既服務完全唔得!!
張貼
