Burgerman (埃華街) (已結業)

好耐冇食過漢堡包，聽朋友講過呢間Burgerman漢堡包評價唔錯，就入去試下。小店雖然主打漢堡包，但都有意粉，沙律同小食提供。不過一場來到，當然要先試試小店招牌漢堡包啦！點咗燒菠蘿雞腿漢堡($68)，雞腿略嫌炸漿唔夠薄，但雞腿好嫩滑，菠蘿燒過後甜度更加濃縮，就算同芝士及雞肉一齊食都幾可以平衡膩感，入面仲有蜜糖芥末醬，食落甜甜地，好開胃！個包亦烘得脆口，有水準！小食試下水牛城雞翼($38/5隻)，醬汁香辣惹味，係我最鍾意嘅comfort food。