影片
更多
2018-09-30
121 瀏覽
同朋友去完荔枝角行街，便打算係附近覓食。見到呢間餐廳環境唔錯所以決定試下！雖然係工廠大廈入間，但呢間餐廳裝潢佈置都好有氣氛，好靚。昏黃嘅燈光，別緻的裝飾品同埋植物特別有情調，而且好寧靜。不單止啱情侶，就算係朋友聚會放鬆下都得！今次試左餐湯，係南瓜湯，入口好香濃，不過唔算細滑。餐包比較特別，配上義大利菜常配麵包的黑醋同埋橄欖油，酸酸地幾開胃。我地仲叫左蒜蓉包，好香好脆好好食。餐廳仲配上整個烤蒜，喜歡的朋友可以用烤蒜香黑醋醬配麵包食，別有一番風味！主菜方面叫左個蕃茄長通粉。個人覺得味道有點淡，蕃茄味不夠濃。但中意淡口味的朋友應該會覺得不俗。另外仲叫左燒春雞。雞脾肉有肉汁，而且嫩滑！不過胸肉略嫌乾身。配菜方面有薯條，小蕃茄和甘筍等。甘筍脆身清甜頗好吃。此外亦配上中東米，口感平常的米飯截然不同，有興趣嘅朋友可以一試。最後飲住清爽解膩嘅水果茶聊天，唔錯！
同朋友去完荔枝角行街，便打算係附近覓食。見到呢間餐廳環境唔錯所以決定試下！
雖然係工廠大廈入間，但呢間餐廳裝潢佈置都好有氣氛，好靚。昏黃嘅燈光，別緻的裝飾品同埋植物特別有情調，而且好寧靜。不單止啱情侶，就算係朋友聚會放鬆下都得！
今次試左餐湯，係南瓜湯，入口好香濃，不過唔算細滑。餐包比較特別，配上義大利菜常配麵包的黑醋同埋橄欖油，酸酸地幾開胃。我地仲叫左蒜蓉包，好香好脆好好食。餐廳仲配上整個烤蒜，喜歡的朋友可以用烤蒜香黑醋醬配麵包食，別有一番風味！
主菜方面叫左個蕃茄長通粉。個人覺得味道有點淡，蕃茄味不夠濃。但中意淡口味的朋友應該會覺得不俗。
另外仲叫左燒春雞。雞脾肉有肉汁，而且嫩滑！不過胸肉略嫌乾身。配菜方面有薯條，小蕃茄和甘筍等。甘筍脆身清甜頗好吃。此外亦配上中東米，口感平常的米飯截然不同，有興趣嘅朋友可以一試。
最後飲住清爽解膩嘅水果茶聊天，唔錯！
張貼
