Comma Cafe

營業中

休息中

香港有女僕既cafe應該已經少之有少，今次黎到呢間感覺都唔錯，打破左我原有對女僕cafe既印象。餐枱上有個小鈴鐺，點餐或有其他需要都可以用佢呼喚女僕。不論男或女既客人，女僕們既服務態度同用語都係恰到好處，唔會令人尷尬。呢度既餐單都有好多選擇，唔係只有我印象中既番茄醬蛋包飯😂難得黎到，我都有問女僕有咩好推介，最後點左吐司盒同埋雲呢拿蘋果粒花茶。上菜時都有點驚訝，吐司盒好有份量同厚度，上面有好多配料，orea餅，百力支，cereals, cream，朱古力醬，仲有雪糕。吐司既外皮烤得脆口，而入面既面包就軟熟。如果球雪糕可以大d就好啦～未食到最後就已經好快俾我點晒d雪糕。花茶既茶壺茶杯set好靚，好高貴既感覺，會有蠟燭係底keep住個茶既熱度。個碟既波浪紋仲可以kick實隻羹，隻羹仲係少女櫻花樣。就咁飲既話有點酸，都有少少清香果味，但加埋蜜糖就變得順口，成件事暖身又暖心。另一享受方法就係俾女僕keep住壺茶，需要既時候就請佢倒茶。社交平台 會有女僕既更表同埋樣~全部都係cute cute 類型~有時去體驗下都幾得意，門口更有塊夢幻花花打卡牆。