許留山 (已結業)

經過見到個透明雪櫃，有椰汁紅豆糕、紫米糕、..... 仲有水蜜桃流心 ( 外賣價$13 )，相信堂食會貴少少！不過，我都唔介意！反正，可以32'c 高溫底下，嘆吓冷氣！走入去坐，睇吓 Menu 有無水蜜桃流心，原來堂食係 $15。價錢只係貴少少！唔成問題！水蜜桃流心創意之作！聽到個名已經好想食！唔知係咪好 Juicy 嘅呢? 粉紅色圓圓嘅外形，有點像水蜜桃一樣！好滑、好 Cute ！( 真係想摸吓滿足一吓手感！)好有水蜜桃味道！布甸質感！滑溜溜！用匙羹一切開，係奶白色流心。( 我只係影相果一剎那，已經流咗好多流心出嚟！)味道酸甜得似益力多！濃度似鮮奶！多麼吸引！食完真係COOL 爆！