Cova Pasticceria & Confetteria (已搬遷) 新店位置

今日下午茶想食蛋糕，去咗利園既Cova Pasticceria & Confetteria。呢度係自助形式，有8張4人枱，自己等位同收拾餐具。Pistachio Delight 1lb $468時為下午5點幾，現有蛋糕所剩唔多，其他皇牌蛋糕都無特別，惟有揀呢個Pistachio Delight，得1lb。Pistachio Delight清楚見到有5層，由上到下分別係開心果戚風蛋糕，開心果忌廉，開心果戚風蛋糕，mascarpone 芝士忌廉，同底層ladyfingers，最上面再加上開心果忌廉同mascarpone 芝士忌廉，灑上少量開心果碎。Ladyfingers浸咗Cova expresso，咖啡味有少少蓋過開心果味，開心果味如果再濃d就更好，戚風蛋糕唔實唔鬆，層次感欠奉，個人覺得唔難食，不過唔特別好食。呢個價錢唔值。而家Cova既蛋糕真係越黎越無特別。