牡丹咖啡

營業中

休息中

忙碌一天，要找一個隱敝一些的coffee shop 抖一抖。這Peony 就是最好的選擇！在西灣河文娛中心旁邊的小橫街。一間我諗只有不足100尺的小店，約有10個座位，不顯眼，而且有不少廣告，餐牌貼在店舖玻璃上，令這小小的咖啡店，靜雞雞的隱藏在鬧市之中。坐低，抖啖大氣。小店，職員主要係三個女士，態度親切各自在自己工作崗位上，有講有笑。叫了他們的招牌咖啡及蘋果金寶。所有的cake and pastry 都係自家製，這個蘋果金寶味道唔錯，我覺得個撻皮有一種特別的蛋味，而且感覺不太油膩。餡料有蘋果提子乾，當然仲有肉桂粉。甜味適中，蘋果餡料都夠熱。招牌咖啡，非常合我口味，有一定層次，只微微帶點酸，可以用醇去形容。下次想在鬧市中，搵一個綠洲，可以試吓這和藹親切的小店。