東京チカラめし (已結業)

每逢星期日都會去mikiki食午餐。今日見到呢間舖頭終於開張，旺角分店大排長龍，估唔到喺mikiki分店都要排隊，排咗大概20分鐘，侍應叫親入座嘅都係兩人，入咗五六張枱先到四人座位。我覺得侍應安排有點差，好多二人枱， 但三人枱以上就要等好耐。芝士燒牛肉丼 賣相已經覺得唔吸引，灸燒芝士只有少少燶，啲芝士完全冇融到，好似食緊芝士粒咁，食唔到芝士嘅香味。牛肉加咗啲燒汁味道算濃郁，飯係濕潤嘅。燒牛肉丼配兩件炸雞 同上面嗰個芝士燒牛肉丼嘅汁係一樣嘅， 冇咗啲芝士啫。炸雞外面嗰層好乾，炸到太燶，裏面都ok，有少少肉汁。鹽燒牛肉丼配三件餃子 鹽燒牛肉係冇汁嘅，味道差過吉野家，又貴過吉野家，畀我再揀就去吉野家食啦。餃子外皮好油，又乾，個底煎得唔脆，麻麻地。吉列豬扒定食吉列豬扒好薄，好似專登拍扁咗咁，薄到好似張紙，好乾冇肉汁。總結：等待時間長，價錢貴，味道不佳，套餐無飲品，只有水，去吉野家好過。