三上水產

營業中

休息中

朋友同我食生日飯，知我鍾意食日本料理特登帶我去深水埗食好西佢今次book咗房，大家可以盡興少少刺身真係比外面其他料理店新鮮我地叫咗海螺、大Toro、三文魚腩、墨西哥海膽、日本蠔、牡丹蝦個海螺真係不得了，爽口彈牙、清甜，完全無腥味，真係大鄉里……因為未食過吞拿魚腩油脂分佈好均勻，最重要係無筋，入口即溶、油脂勁香三文魚腩都係一樣，但因為我先食吞拿魚腩先，所以三文魚腩就被比下去，都係好入口即溶，但係真係吞拿魚腩好食好多當日無日本海膽，店家入咗啲墨西哥海膽，真係第一次試，入口都順滑，Creamy，但甜味當然點都唔及日本海膽，如果加拿大海膽同墨西哥海膽，我會揀墨西哥，口感上墨西哥會比加拿大嘅更偏似日本海膽，所以都值得一試我都鍾意食生蠔，但我偏好法國Gillardeau，或者其他法國生蠔，之後係美國生蠔，日本生蠔其實我真係唔太鍾意，因為我偏好口感中間，唔會太爽或太Creamy嘅，海水味重，而金屬味唔太重嘅生蠔當然日本生蠔其實除咗太Creamy之外，其他都係我鍾意嘅味道，而呢隻日本厚岸生蠔就係偏偏好creamy，我真係搞唔掂牡丹蝦好少會唔好食，夠大夠甜，真係勁滿足我個人唔好食安康魚肝，所以朋友自己食