Vision 8

今晚同朋友喺荃灣附近行街，朋友推薦呢間西餐廳，估唔到係好高質，而且平日都好full，服務同埋環境都好值得一讚，食物都感受到佢哋嘅用心！🍞餐包餐包非常軟熟，上枱嘅時候仲係暖笠笠，最值得一讚係佢嘅黑松露牛油，搽落麵包度非常好味！🍲 南到豆忌廉湯餐廳介紹呢款係印度豆，平時唔太鍾意豆嘅我，都覺得呢個湯好好飲，佢嘅忌廉湯係好香濃，口感順化，加埋豆出奇地夾！🍝鮮菇蜆茄醬燴意大利麵份量非常大，蜆嘅數量亦好多，意大利粉每條都好掛汁，食得出係用鮮茄熬製嘅醬，好值得一試，絕對有驚喜！🍟酥炸小食盤酥炸小食盤，包括咗四樣嘢食（魷魚圈、薯條、芝麻炸雞翼、炸魚）。每一樣嘢上枱嘅時候都係熱辣辣，食落去表面非常香脆！最值得一讚係芝麻雞翼，非常juicy，同埋準備左三款唔同醬畀我哋點炸物，上台仲為我哋介紹，非常用心！🥓蘋果木燒西班牙黑毛豬鞍扒（芥末汁）最近餐廳做緊呢道菜$80，好揸食！黑毛豬安扒肉質非常鮮嫩，多汁，脂肪分布平均👍🏻，加埋芥末汁平衡返個油膩感，CP值好高！另外最值得讚嘅係薯蓉，入口幼滑，好重蒜蓉味！🍋檸茶檸茶嘅茶底都好濃郁，今次叫咗走甜同特登叫一片檸檬，成個茶底令我好想再飲一杯！