金不換泰國餐廳 (已結業)

今日去咗荃灣廣場，老公話想食泰國嘢，就試吓呢間金不換嘅泰國餐廳。佢嘅裝修都幾泰國，去唔到旅行，都叫做自己F F下啦！🤣見到餐牌嘅價錢都合理，大概$60都有一個午餐，就決定試一試。我叫咗一個冬陰功金邊粉，老公就叫咗一個菠蘿海鮮炒飯。我個人認為我個冬陰功湯底好足料，好夠辣，好惹味，係啲金邊粉唔知點解唔係好夾，但都唔差嘅！老公就覺得個海鮮炒飯都幾足料，味道都幾好，特別係啲堤子乾，好似令個炒飯好味多咗。最後佢大讚特讚杯泰式凍奶茶，話佢好少飲到咁香咁滑咁有茶味嘅奶茶！我試咗幾啖，都真心覺得正！以每人60幾蚊，坐得舒服又食得唔錯，都叫做好抵食啦，有機會都可以嚟試吓！