影片
更多
2017-11-08
1992 瀏覽
九月尾食既爸爸生日飯，太多野想寫食評，隔左個長旅行拖到而家先寫🤦🏻♀️ 工廠大廈餐廳臥虎藏龍，無意中發現以慢煮菜為主打既COW Dining。是次已經係第二次黎，上一次造訪時無論食物定服務都非常滿意，介紹左比一個朋友，佢又黎左幾次😋 於是爸爸生日又食過番尋味！打去book位後會有人whatsapp menu比你。因慢煮菜色需時準備，要先揀好想食既main course，其他頭盤甜品等則可以去到先決定。餐廳亦可以喺甜品碟上加生日快樂等字句，當然我有request啦！最好就係免開瓶費/切餅費，一班朋友黎慶足岩晒。另外要入數比人頭$100訂金。餐廳裝修簡單，以深色為主調，枱與枱之間唔會太迫，適合傾計。落完單後先上免費starter。starter賣相精緻，問過waitress，係切片意大利黃瓜、青瓜、茄子，捲住bite-size水牛芝士，淋上少量餐廳自製Pesto醬，底有意大利醋，酸酸地，好清新開胃。我同媽媽都嗌左3-course set($238)，爸爸則嗌5-course($358 - $528不等，視乎你揀咩main course，有八折優惠)；兩者都可以喺兩款頭盤、兩款湯、幾款mai
打去book位後會有人whatsapp menu比你。因慢煮菜色需時準備，要先揀好想食既main course，其他頭盤甜品等則可以去到先決定。餐廳亦可以喺甜品碟上加生日快樂等字句，當然我有request啦！最好就係免開瓶費/切餅費，一班朋友黎慶足岩晒。另外要入數比人頭$100訂金。
餐廳裝修簡單，以深色為主調，枱與枱之間唔會太迫，適合傾計。落完單後先上免費starter。starter賣相精緻，問過waitress，係切片意大利黃瓜、青瓜、茄子，捲住bite-size水牛芝士，淋上少量餐廳自製Pesto醬，底有意大利醋，酸酸地，好清新開胃。
餐前小食
34 瀏覽
0 讚好
0 留言
我同媽媽都嗌左3-course set($238)，爸爸則嗌5-course($358 - $528不等，視乎你揀咩main course，有八折優惠)；兩者都可以喺兩款頭盤、兩款湯、幾款main course中各選一，5-course 會多左自家製意粉同甜品，而且部份選擇會吸引啲，例如頭盤可選煎鴨肝。
頭盤上次試左青口麻麻地，今次揀左煙挪威三文魚配自家製醬汁海撒沙律 - 煙三文魚有油香，配capers同刁草依個經典組合冇得輸；每片生菜都coat左啲沙律醬，新鮮爽口又開胃，仲bonus比一大片parmesan cheese🧀 試左一小啖爸爸既 香煎鴨肝配慢煮菠蘿，入口冇鵝肝咁漏咁肥膩，配好juicy既菠蘿好好食😍
煙挪威三文魚配自家製醬汁海撒沙律
27 瀏覽
0 讚好
0 留言
香煎鴨肝配慢煮菠蘿
33 瀏覽
0 讚好
0 留言
野菌忌廉湯 - 菇味足夠，湯好smooth，不過我比較喜歡食到好細粒既菇茸嗰種口感。爸爸既係酥皮海鮮忌廉湯，冇偷食，賣相就唔錯呢。
野菌忌廉湯
29 瀏覽
0 讚好
0 留言
自家製意粉配parma ham、牛肝菌番茄忌廉汁 - 配料有好多牛肝菌、parma ham、parmesan cheese，忌廉汁好正！但稍嫌唔夠菇味，如果淨係叫佢做番茄忌廉汁既話會更符合我既expectation。我對意粉好有要求，呢度既就稍欠蛋香同口感，不過餐廳唔係專注於意粉就唔多作挑剔啦。
自家製意粉配parma ham、牛肝菌番茄忌廉汁
34 瀏覽
0 讚好
0 留言
我一日三餐都可以食魚，Main course當然係 慢煮挪威三文魚柳 配香草白酒忌廉汁 - 慢煮既關係全塊魚肉都好嫩，中間仲係淡粉紅色😍 同煎三文魚係兩種完全唔同既口感，一啲都唔會乾！好少可以喺其他餐廳依到依度菜，必試no.1😛
慢煮挪威三文魚柳 配香草白酒忌廉汁
32 瀏覽
0 讚好
0 留言
慢煮西班牙杜洛克黑豚豬架配黑醋汁 - 全晚個人心水第二位！大大塊豬架，雖然好厚，但完全唔會鞋，直情係嫩口呀。豚味濃，好似廢話咁不過真係唔係成日食到，通常只會食到冇豬味既豬扒🤦🏻♀️ 配黑醋汁既特別又可以平衡番肉類既飽滯感。
慢煮西班牙杜洛克黑豚豬架配黑醋汁
39 瀏覽
0 讚好
0 留言
慢煮美國極佳級牛柳配黑松露菌汁 (5-course set $598，有八折) - 慢煮後入面似medium rare，juicy，好易咬。大家一致認為依度菜唔係整得唔好食，而係我地都prefer煎牛扒𠴱種外面微焦、小脆、肉質有咬口既口感，同帶蒜頭、香草既油香。慢煮則保留更多肉汁，牛味較突出，視乎個人喜好嚕。
慢煮美國極佳級牛柳配黑松露菌汁
36 瀏覽
0 讚好
0 留言
三款主菜擺盤一啲都唔馬虎。右邊肉類上斜斜放上一串燒蔬菜，如車厘茄、翠肉瓜；左邊有焗切片薯仔、焗芝士肉碎茄子、水煮娃娃菜、秋葵、pumpkin purée，每樣都好好食。食得出大廚既一絲不苟，連配菜都一絲不苟，加分👏🏻
慢煮美國極佳級牛柳配黑松露菌汁
33 瀏覽
0 讚好
0 留言
食完主菜已經好飽，媽媽同我冇加錢要甜品，只一齊share 爸爸5-course set既青檸撻。印像中青檸味同甜度平衡剛好，撻皮亦合格。上次試左慢煮蘋果捲都好推介，係差一球雪糕😆
成晚service都好好，侍應friendly又有禮貌。喺尖沙咀中環嗰啲旺區以相同價錢一定食唔番依度既環境同食物質素。回頭指數10/10😛😛
張貼
