韓燒大叔

營業中

休息中

朋友話想約我食韓燒，叫我幫佢搵餐廳，佢話：「要近旺區，地鐵沿線，同埋天時暑熱，最好地鐵站一出就係。最重要嘅係好味道，同埋坐得舒服，同埋任飲任食，因為我想樣樣都試啲，同埋要價錢平」面對佢嘅諸多要求我即刻諗到一間餐廳可以滿足曬佢嘅願望，位於旺角友誠商業中心5樓嘅「韓燒大叔」，地鐵站出口行唔駛半分鐘就到，地方闊落唔會迫迫夾夾之餘，午市任飲任食嘅價錢都係$168加埋海鮮任食都係只係加多$38。我哋嗰日一上到去，店員就已經好好招呼，沿路入去座位，都介紹返調味區、自助區同飲品區嘅位置。自助區入面提供好多款韓式小食，例如有韓式辣拌米蟹、韓式辣蘿蔔乾、韓式醬油蓮藕等等。生菜同埋菠蘿都可以自己拎。隔離就係飲品區有自助汽水機之外，仲有柚子蜜同埋熱麥茶可以揀。然後再隔離就係調味區正常要有嘅醬料都包括曬喺度。再行入少少，我哋就發現原來呢度有個包廂嘅位置。粗略數過，入面原來都坐到20人㗎。講返啲嘢食先，呢間餐廳提供嘅食物款式都好多，因為樣樣都想試，所以我哋都嗌咗唔少，你睇吓，擺到一枱都係。而且每一款食材都唔係敷衍食客，調味適當，唔係食嚟食去都係果隻味，更加冇話解凍唔切就擺上枱，或者唔新鮮都照拎出嚟俾食客嘅情況。