嚐館 (已結業)

西餐俾人嘅印象多數係貴價唔飽。但依家位於黃大仙南館嘅西餐小廚不但價錢親民，而且選擇多，除咗西餐之外仲有好多其他款式嘅菜式選擇！西式套餐：煙三文魚忌廉白汁燴飯配餐湯同沙律忌廉白汁都幾creamy，同埋煙三文魚嘅份量都幾多👍🏻雜菜沙律配上芝麻醬，沙律菜都有幾款而且頗為新鮮。當晚嘅西餐湯係南瓜湯。南瓜湯味道creamy，濃郁。除咗西餐愛佢仲有韓式套餐選擇，我哋試咗佢哋嘅韓式海鮮豆腐煲：湯底係韓式泡菜湯底，有少少辣，好適合寒冷嘅冬天食用。豆腐煲除咗豆腐之外仲有好多海鮮配料例如蝦同青口等，味道幾好。兩款嘢菜式仲跟埋餐飲，價錢不過係100左右平過出邊嘅西餐好多CP值極高！👍🏻