Fun Fun 串串鍋 (已結業)

見到網上面一直都有好評話依間好抵食，今日我又來試吓先，入到去已經覺得款式好多，無論係嘢食啦，定係嘢飲啦，依個價錢真係算唔錯㗎啦。我就叫咗胡椒豬肚湯做湯底佢有好多打邊爐嘅丸，例如海膽丸，貢丸等等仲有好多款式嘅菜，仲有金菇菜啊，雞髀菇。至於一串串嘅呢，就由佢哋廚師自己串嘅唔同款式，除咗櫃入面嘅餸菜之外，仲可以散叫其他嘢食，我食咗幾次肥牛，都覺得質素唔錯的。而我最鍾意就係食鵝腸，因為真係好爽口。後面仲有啲要自己加淺色嘅食品，例如桶蠔，不過我就唔加錢啦，始終呢個價其實已經夠飽。嘢飲方面其實都好多選擇㗎。我就揀咗鴻福堂，茶都有好多唔同款。最後就梗係食返支雪條就飽飽地走人啦！