影片
更多
2020-11-07
2519 瀏覽
極少寫食評既我話你知，食完係可以滿足到笑住走！Menu上既主菜都以100gram做單位標價，落單果陣waiter/waitress會同你講解一塊扒大約幾重，有200gram以下，亦有350gram或以上，本身想食肉眼，但waitress話都幾大份。最後我地揀左2百幾克西冷，同埋300幾克豬扒。佢會問你要唔要出肉櫃自己揀，不過我同fd都決定比waiter發辦。Menu上既sauces，算我廢，我睇唔明。然後waiter好用心地每款都解釋比我地聽。由於未食過，我地都問佢推介我地邊款，就揀左紅酒燒汁配豬扒，同一款有蒜有香草有丁點兒tabasco 既醬配牛扒（利申：本人唔食得辣，但個醬一d都唔辣，仲好惹味）講講個牛扒，我地叫5成熟，切每一下都見到好juicy，肉質好鬆軟。伴碟仲有一個蒜頭，比你配sauce同牛扒一齊食，真係好驚喜！你去Outb_ck/ Ru_y Tu_sday食塊300-600既扒，都無佢處理得咁好。 可能我太中意食牛，食個豬覺得都好食既，僅僅熟，唔會柴，有d汁，但唔似牛扒咁驚艷。不過值得提既係，紅酒汁配豬扒好夾，因為豬扒比較淡味，佢個紅酒汁夠濃，食食完再食。一個main配 一
Menu上既主菜都以100gram做單位標價，落單果陣waiter/waitress會同你講解一塊扒大約幾重，有200gram以下，亦有350gram或以上，本身想食肉眼，但waitress話都幾大份。最後我地揀左2百幾克西冷，同埋300幾克豬扒。佢會問你要唔要出肉櫃自己揀，不過我同fd都決定比waiter發辦。
Menu上既sauces，算我廢，我睇唔明。然後waiter好用心地每款都解釋比我地聽。由於未食過，我地都問佢推介我地邊款，就揀左紅酒燒汁配豬扒，同一款有蒜有香草有丁點兒tabasco 既醬配牛扒（利申：本人唔食得辣，但個醬一d都唔辣，仲好惹味）
講講個牛扒，我地叫5成熟，切每一下都見到好juicy，肉質好鬆軟。伴碟仲有一個蒜頭，比你配sauce同牛扒一齊食，真係好驚喜！你去Outb_ck/ Ru_y Tu_sday食塊300-600既扒，都無佢處理得咁好。 可能我太中意食牛，食個豬覺得都好食既，僅僅熟，唔會柴，有d汁，但唔似牛扒咁驚艷。不過值得提既係，紅酒汁配豬扒好夾，因為豬扒比較淡味，佢個紅酒汁夠濃，食食完再食。
一個main配 一個sauce,兩份小食
咁我地兩個main，就有4個小食。叫左佢推薦既beef fat fries + mini beef rice。我就覺得薯條鹹左少少，個牛飯d汁幾濃，但都有d鹹，重口味人士必點。
另外仲有mushroom+薯蓉，我比較喜歡呢兩個。Mushroom佢似係焗，又香又多汁，得3塊真係嫌唔夠食；薯蓉味道就正常，但值得讚既係佢好幼滑！
Coffee/tea全部都係熱飲，如果要飲凍飲要當正價（當然亦有酒可以order,都係正價）
成餐飯都係食左$550/2人，你去連鎖店食都唔得/無呢個質素。
*呢間要訂位（最好早一個星期），如果walkin基本上唔洗諗
**佢地唔收加一，不過你可以比貼士
***侍應對menu好熟悉，如果你真係無頭緒，叫佢介紹，實無死
****佢有Today’s Special，係靚肉做特價（我果日係M5和牛）可以留意下
$550
444 瀏覽
0 讚好
0 留言
張貼
