碗屋 (已結業)

男朋友生日諗住同佢食個生日放題，一個價錢冇限時，啲赤貝係新鮮嘅，平時食活赤貝好貴，呢度剩返10隻八隻就值晒。頭盤仲有個龍蝦刺身，因為生日個刺身拼盤仲有支蠟燭好驚喜。啲刺身encore左四五次。雖然冇飲品任飲，但係佢全部嘢食都好好食，牛舌入口即溶，牛柳勁林，甜品好多款，鴨肝好香，啲鐵板燒全部都好好食，職員態度亦都好好，預期俾3百幾4百，不如加多少少五百幾食哩到嘅放題，OpenRice 訂位中有折扣。勁滿足。