炎天丼 (已結業)

呢一間餐廳值得更多！！✨✨✨真心好想推介俾大家！！🥹💓已經係第二次試呢間餐廳，兩次感覺都非常好，天婦羅實在令人難忘❤️同友人星期日晏晝行入花園街，發現好幾間餐廳拍烏蠅😂除咗呢間已經坐滿左一半人！環境好舒服，感覺衛生乾淨💓店員一嚟到就拎咗個午市Menu俾我哋，由於openrice有相片限制，唯有俾少少大家睇下先🫶🏻然後你會發現，午市真係極！抵！食！！！黐線架邊會有餐廳6蚊有coke zero😂嗌完嘢食好快就有人遞上兩碗麵豉湯，普通麵豉湯啦佢今日唔係主角🤣過咗一陣我哋啲天婦羅終於到！！我同我朋友都嗌咗兩個海鮮天婦羅，我就跟冷麵佢就跟飯🫶🏻烏冬：好煙韌，冷麵個汁又唔會好鹹我個人覺得係甜甜地好夾個烏冬❤️加埋wasabi食個又係另一番風味❤️海鮮天婦羅：枱旁有個自家製天婦羅汁，好夾個天婦羅💓個人極度推介天婦羅菜心(?)，每一塊葉都沾滿左炸粉，啖啖都極脆！！👆🏻友人點既海鮮天婦羅食到極飽，嘢食極高質埋單都只係百三🥹佢嘅質素絕對可以叫價一個餐百三蚊！係極良心超高CP值餐廳！推薦指數：❤️❤️❤️❤️❤️