丼丼亭 (已結業)

朋友之間其實真係好鐘意食日本料理，可能一星期都食２－３次。但因為選擇太多，有時可能會揀咗一Ｄ唔太抵食，但今次就有朋友介紹呢間CP值極高日本料理試試。店內裝潢跟足日本店風格，實而不華。餐牌內有多款料理選擇：刺身、壽司、天婦羅等等。五色刺身盛有三文魚同籽、油甘魚、吞拿魚及帶子。三文魚籽飽滿新鮮，食起上嚟爽脆且有濃郁三文魚油嘅香味。油甘魚亦相當肥美，油脂豐富，入口即溶。天婦羅拼盤共有南瓜、廣島蠔、大蝦等等。廣島蠔炸得酥脆，好有蠔味唔會乾身。大蝦炸粉非常之薄，加埋海藻鹽一齊食更為鮮味。而南瓜相當清甜，味道清新。松葉蟹梅子海鮮鍋賣相討好，材料亦非常豐富，除咗有松葉蟹腳，亦有帆立貝、青口、蔬菜等等。松葉蟹腳非常鮮甜，加埋佢個獨有醬汁真係冇得頂。其實份量已經好多，但仲追加咗碟牛肉嚟食。牛肉好有牛味，且亦很嫩滑。苦瓜豚肉釜飯每粒米都好煙韌，加埋飯焦一齊食令口感更為豐富，而苦瓜爽甜加埋豚肉令之省卻油膩感。芝士布丁餅最後當然唔小得食甜品啦，全部都好似話日本直送，鍾意食甜品一定唔好錯過。