Soul9+ (已結業)

北角錦屏錦街可謂美食街，之前聽講Soul 9+啲嘢好好食，店長/店員又靚仔，今次特登book定位黎試下~SOUL Season $398呢個海鮮拼盤超抵食，樣樣嘢都好新鮮，我最鍾意食鮑魚，勁鮮甜！原板海膽黑松露蟹膏意大利飯 $158海膽、黑松露同蟹膏都係我至愛，呢個飯可以滿足晒我三個願望！海膽甘甜冇臭味，仲有成板咁多，比海鮮拼盤更抵食！用紫菜包住意大利飯+海膽/黑松露/蟹膏，一個字：正。 +$48 套餐（是日餐湯及沙律）沙律菜好新鮮，再加埋芝士碎，可以媲美散叫嘅沙律喎。餐湯係磨菇忌廉湯，黑松露味好出，啲湯好杰，飲完好飽肚。最重要係，店長/店員堅係靚仔，哈哈哈哈哈！