燒蝦蝦 (金福閣） (已結業)

燒蝦蝦係元朗市中心，西鐵站附近位置，超易搵，呢度好大👀慢慢坐咁燒足2.5小時都好舒服。我地食佐好多野，海鮮係任燒，款式好多，全部新鮮放係度俾我地慢慢簡，啲帶子好大隻呀，連殼燒完都仲好痴殼，好新鮮呀👅我地只係落佐少少鹽已經好夠味，鮮味十足，帶子肥美既膏同爽甜既肉真係好出色。呢度仲有8吋長既巨型蟹柳燒添，超甜超爽！呢度既流水蝦係我食過最新鮮既，好多蝦係水池任夾，啲蝦好新鮮好肥嘟嘟，燒完黎食好爽好好味慢慢夾慢慢燒，有得玩又有得食💋呢度連燒物呢啲熟食都係任食，炸春卷同炸芋泥波波超好味！！！熱辣辣即炸即上枱👄仲有任食既甜品同雪條雪糕呢，CP值爆棚啦！