影片
更多
2023-06-23
73 瀏覽
到放工又係醫肚嘅時候！一直都知道置富都會有好多食肆又近地鐵站，就同同事過尼搵下。今日就試咗紅蔥頭。價錢唔貴，一個豐盛嘅二人餐都係$200-$250，有湯有餐包有主菜，仲有飲品同甜品，而且選擇都幾多！特別欣賞佢嘅蜜糖BBQ蜜糖燒豬仔骨！非常入味之餘，燒得又夠冧夠juicy，而且份量都唔細！加埋有薯菜，沙律，一次過滿足幾種口感，好完整滿足。另外，我哋揀咗比較特別嘅芝士燒茄子肉醬螺絲粉。賣相好靚，又好食。特別係肉醬甜甜酸酸，配番芝士茄子嘅香，好好味。而身為肉食者嘅我哋，忍唔住再叫多咗小鐵板一口牛。配上燒汁燒香嘅牛柳好夠肉味，送飯一流，而且粒粒都唔細，夠哂嚼口。除左套餐雪糕大大杯，我哋見佢心太軟做緊優惠，都決定試吓，驚喜地發現非常出色，外脆裡面流心，好滿意！性價比高，坐得舒服，值得回頭！
今日就試咗紅蔥頭。價錢唔貴，一個豐盛嘅二人餐都係$200-$250，有湯有餐包有主菜，仲有飲品同甜品，而且選擇都幾多！
特別欣賞佢嘅蜜糖BBQ蜜糖燒豬仔骨！非常入味之餘，燒得又夠冧夠juicy，而且份量都唔細！加埋有薯菜，沙律，一次過滿足幾種口感，好完整滿足。
另外，我哋揀咗比較特別嘅芝士燒茄子肉醬螺絲粉。賣相好靚，又好食。特別係肉醬甜甜酸酸，配番芝士茄子嘅香，好好味。
而身為肉食者嘅我哋，忍唔住再叫多咗小鐵板一口牛。配上燒汁燒香嘅牛柳好夠肉味，送飯一流，而且粒粒都唔細，夠哂嚼口。
除左套餐雪糕大大杯，我哋見佢心太軟做緊優惠，都決定試吓，驚喜地發現非常出色，外脆裡面流心，好滿意！
性價比高，坐得舒服，值得回頭！
張貼
