鍋心海鮮火鍋 (已結業)

觀塘區性價比相當高既一間海鮮火鍋餐廳—鍋心海鮮火鍋，現時推出海鮮套餐；一次過可以品嘗到超過7款海鮮食材、多款高質素打邊爐配料，而且擁有11款湯底選擇🍲 首先，海鮮方面，新鮮有驚喜；主打龍蝦、肉蟹；肉質爽口彈牙，完全無冰鮮味，而自選海鮮中特別推介貴妃蚌、蟶子，鮑魚，全部鮮甜爽口，完全食唔到沙～ 火鍋配料方面，推介西班牙豬腩片，薄得黎帶點油脂，入口即化👍🏻 另外推介自家製手打滑，雞肉滑溜，馬蹄爽脆～ 湯底方面，特別推介白胡椒豬骨湯鍋，香濃入味，令人胃口大開，而另一款蕃茄粟米鍋清新香甜，建議海鮮類可以放呢邊鍋，保留返原有鮮味～ 總結餐廳座位闊落，環境乾淨企理，價錢合理低食，好適合三五成群一齊去聚餐🥢