影片
更多
2018-08-12
815 瀏覽
放假無聊去咗深水埗行街搵嘢食，咁岩最近天氣潮濕想食下打邊爐，於是就係OpenRice度搵左呢一間，見到comment唔錯，同埋五點入座有得六折，即管就試一試！鋪頭入邊裝修唔算好靚，但空間感好大，枱之間都隔得幾遠，唔會有同人迫嘅感覺，我哋係第二台客人，基本上好似包左場咁樣，食物方面本身都好擔心早去會未有齊啲食材，但係我哋入咗左一陣之後，大概五點半就所有食材都齊晒。我哋叫咗椰子雞煲清淡版，店員問我地要唔要煎嘢食，本身以為唔知係咩打算唔要，但店員話價錢一樣，於是就好奇試一試，結果原來好正！個煲係咁樣可以一邊煎野，一邊打邊爐，我都係第一次見到可以咁樣玩法，早去仲有一個好處，就係可以拎到第一批海鮮，亦都唔使同人爭，因為後期嚟嘅人都要等佢refill，唔會冇嘅不過要等一陣囉。未煮熟啲嘢食可以食住前菜先～有咖喱魚蛋、炸饅頭、炸春卷。特別推薦炸饅頭，見到好多人都瘋狂食饅頭，雖然價錢上一定唔會抵，但係啱啱炸出嚟嘅炸饅頭真係外脆內軟，好香好好食！如果呢個係店家嘅慳錢方法，我覺得做得好成功飲品方面都有唔少選擇，除咗大路嘅韓國飲品之外、解茶系列、仲有汽水等等。呢度有牛肉、羊肉等等，牛肉片唔算Hea，都幾有牛味
鋪頭入邊裝修唔算好靚，但空間感好大，枱之間都隔得幾遠，唔會有同人迫嘅感覺，我哋係第二台客人，基本上好似包左場咁樣，食物方面本身都好擔心早去會未有齊啲食材，但係我哋入咗左一陣之後，大概五點半就所有食材都齊晒。
我哋叫咗椰子雞煲清淡版，店員問我地要唔要煎嘢食，本身以為唔知係咩打算唔要，但店員話價錢一樣，於是就好奇試一試，結果原來好正！
個煲係咁樣可以一邊煎野，一邊打邊爐，我都係第一次見到可以咁樣玩法，早去仲有一個好處，就係可以拎到第一批海鮮，亦都唔使同人爭，因為後期嚟嘅人都要等佢refill，唔會冇嘅不過要等一陣囉。
未煮熟啲嘢食可以食住前菜先～有咖喱魚蛋、炸饅頭、炸春卷。
特別推薦炸饅頭，見到好多人都瘋狂食饅頭，雖然價錢上一定唔會抵，但係啱啱炸出嚟嘅炸饅頭真係外脆內軟，好香好好食！如果呢個係店家嘅慳錢方法，我覺得做得好成功
飲品方面都有唔少選擇，除咗大路嘅韓國飲品之外、解茶系列、仲有汽水等等。
呢度有牛肉、羊肉等等，牛肉片唔算Hea，都幾有牛味。
其實最驚喜就係佢竟然有海鮮，雖然我哋兩個都唔係特別鍾意食海鮮，但係有蝦食都好開心～
甜品方面有韓國嘅方形雪條，仲有呢個蛋糕雪糕，軟綿綿幾好食，推薦！
總結來講， 百幾蚊食到咁嘅水準算係好抵玩，下次會再返嚟食濃味版嘅椰子雞！
張貼
