影片
更多
2020-10-22
272 瀏覽
同事早兩日去左灣仔會展廣場 - 大都淮揚中菜品嘗2皇1后大閘蟹套餐，返到公司讚口不絕，大讚啲大閘蟹超晒班，爆晒膏；平時最鍾意周圍搵好嘢食嘅我，聽倒即時就心郁拎起個電話卜位啦🤣。同事仲比左張$50現金卷我，佢話以云閃付銀聯二維碼埋單，消費滿$500以上就有一張🤗，我另一位同事千叮萬囑我記得用云閃付埋單，攞張$50現金卷比佢下星期用😂。餐廳地方非常濶落，枱與枱之間都有一段隔距，酒店式嘅裝潢格調高尚，擺放枱上面嘅餐具乾淨整齊。我同家姐電話預訂左$498大閘蟹餐（已包茶芥同加一服務費）仲可享用陳年花雕皇，花雕皇上枱仍帶微暖，入口味道醇厚帶甜，同大閘蟹非常匹配。侍應先每人送上生果、冷盤、熱湯、蟹粉小籠包；🍈🍍生果：已預先切粒，一口一粒，大細剛好；冷盤 ：🥢燈影魚片 - 魚片真係切得非常薄，以炸嘅方式炮製，炸得脆卜卜，望落晶凝通透，蘸上蜜糖同芝麻，更加香口。🥢冰宮肴肉 - 以豬腱肉制成豬肉凍，入口Q彈，口感清新；🥢雪燕菊花豆腐羹 - 豆腐切成幼絲，在湯內像菊花般散開，刀功相當精湛，湯中加入雪燕，另整個豆腐羹立即升格，變成上等佳餚。🥢蟹粉小籠包 - 我比較鍾意放涼些小，蘸些小醋汁，整個一啖放入口，直
餐廳地方非常濶落，枱與枱之間都有一段隔距，酒店式嘅裝潢格調高尚，擺放枱上面嘅餐具乾淨整齊。
我同家姐電話預訂左$498大閘蟹餐（已包茶芥同加一服務費）仲可享用陳年花雕皇，花雕皇上枱仍帶微暖，入口味道醇厚帶甜，同大閘蟹非常匹配。
侍應先每人送上生果、冷盤、熱湯、蟹粉小籠包；
🍈🍍生果：已預先切粒，一口一粒，大細剛好；
冷盤 ：
🥢燈影魚片 - 魚片真係切得非常薄，以炸嘅方式炮製，炸得脆卜卜，望落晶凝通透，蘸上蜜糖同芝麻，更加香口。
🥢冰宮肴肉 - 以豬腱肉制成豬肉凍，入口Q彈，口感清新；
🥢雪燕菊花豆腐羹 - 豆腐切成幼絲，在湯內像菊花般散開，刀功相當精湛，湯中加入雪燕，另整個豆腐羹立即升格，變成上等佳餚。
🥢蟹粉小籠包 - 我比較鍾意放涼些小，蘸些小醋汁，整個一啖放入口，直接咬爆外皮，另鮮湯一滴不漏，全部係口腔蕩漾😋。
主角出場🦀🦀，每人先送上1皇1后黃毛金爪大閘蟹，蟹公約五両重，蟹乸大約都有三、四両。蟹公嘅膏色澤淡黃，蟹膏較黏口香甜；蟹乸係食黃，蟹黃色澤帶紅，比較厚實甘香，全部剝開都爆晒膏😋。當客人完成1皇1后後，侍應才送上第三隻公蟹🦀讓食客慢慢品嘗。
完成2皇1后後，侍應送上一杯熱薑茶，可以驅除食大閘蟹嘅寒涼。
🍤雪埋紅手鮮蝦 - 蝦肉入口爽口、鮮甜彈牙；
🍝鮑魚蔥油拌麵 - 鮑魚厚實彈牙有口感，慢慢咀嚼後，濃濃鮑味直衝味蕾；拌麵軟硬適中，拌勻蔥醬油一齊食，蔥香撲鼻。
最後嘆埋碗洋意米芝麻湯圓，完美一餐劃上完美句號。
整齊黎講，以$498套餐嘅價錢，食倒咁高級環境、高質食材、廚師精湛刀功、非常殷勤嘅服務態度，CP值超高👍🏻真心比讚👍🏻。
張貼
