珍一料理 (榮高樓) (已結業)

前排喺旺角行街，見到過買滷水嘅地方，睇落都好似好吸引，諗住加料買啲餸返屋企，買下買下就買咗五六盒😛，佢哋除咗滷水野之外，仲有少少熱食嘅選擇今次就買咗自選三拼（萵筍絲，金錢肚同豬耳），金錢肚同豬耳都好爽，而且好入味，小編都好鍾意食辣，所以呢個辣到都可以接受嘅🤗另外，仲叫咗回鍋肉同埋口水熏蹄，兩個都係辣嘅🤣，份量亦都好多，最終呢兩個餸都食唔曬，不過，都可以留返下次自己煮麵食嗰時加啲餸落去，一樣咁好味😆，另外口水汁落少少都已經好辣😈，唔食辣嘅朋友就要注意啦😉除咗辣之外，佢哋店舖都會有啲唔辣嘅，另外都有叫到烤麩，蕃茄牛腩，味道都唔錯，牛腩都炆得好淋👍🏻整體來講，味道都唔錯，價錢都好實惠，鍾意食辣嘅朋友仔都可以試吓😉