喜點.鮮鍋粥底火鍋點心專門店 (已結業)

打邊爐一係就任食無質素，一係就貴夾唔飽，今次試呢間喜點絕對有驚喜，兩個餐二揀一，呢個時期食蟹唔會差，一行四人決定先試奄仔蟹，下次先食龍蝦！兩個半鐘以為有D趕，原來時間啱啱好，由頭食到尾唔急又唔趕，海鮮絕對新鮮，鮑魚洗頭好乾淨又夠大隻，其他食材都好靚仔，牛豬既色澤都好得，味道又絕對唔係揸流灘，重點係主角奄仔蟹，夠鮮味又夠斤兩，美中不足係一位半隻（我貪心），食到尾加埋白粥吸收精華，既罪惡又感到無咁heavy，四個麻甩食完十分滿足！