湄南.河泰式船麵 (已結業)

今日陪媽咪去樓上入貨，之後就順便食埋晚飯揀咗呢個泰北二人套餐，啱曬媽咪口味呢個套餐佢有兩款前菜，兩個主食同埋甜品，飲品前菜有單骨雞翼(十隻)同埋酸辣鳳爪沙律雞翼炸得非常香口，仲要鋪滿咗炸蒜，真係令人流曬口水，食落非常惹味至於個酸辣鳳爪沙律，涼拌形式就好特別開胃，酸酸甜甜，鳳爪夠曬彈牙，調味亦都非常可口主菜泰式炒豬肉碎飯份量十足，用辣椒同香料炒，味道非常香濃開胃亦都好好送飯至於個豬頸肉船湯河同樣令人滿意，湯底味道豐富有層次，湯粉滑溜吸收晒湯汁就更好味。加上唔同香葉，每啖都充滿香氣。豬頸肉估唔到咁多，輕煎後略有焦香味又滿滿油香，咬落嫩嫩好味道食埋椰汁糕同千層糕兩款充滿泰國特色嘅甜品，椰香味十足，煙煙韌韌，每款口味各3件，餐廳真係唔慳本。其實我覺得呢個泰北套餐係非常超值，份量多到3個人都食唔晒，我同媽媽都食到捧住肚。