潮興牛腩

營業中

休息中

魚蛋粉麵鋪基本上每一個地區都有，亦總會有一兩間係當區係出名，今日呢間我食過都覺得性價比都相當高👍🏻👍🏻爽腩雲吞麵$48雖然一眼望落去食碗雲吞麵要成$48，但真心講 無論個湯底、麵底、餸菜都相當高分👍🏻👍🏻👍🏻湯底飲得出係用豬骨淆出嚟，飲完唔會覺得好重味精。麵底去鹼水過程做得好，唔使刻意落醋嚟遮蓋啲鹼水味，食返食材嘅原味，只有新鮮材料又或者工序做得好，先至做得到。雲吞裏面除咗一般蝦肉同埋豬肉外，仲食到有大地魚粉喺裏面，成粒雲吞即刻層次又高咗🤣；爽腩方面牛肉比得豪爽，兼且滷好好，肥瘦適中。