大丸和風食堂 (已結業)

呢家真系乜都貴，對大部分人黎講食餐飯點都系追求平多過質素，食日本菜比人印象向來系貴，如果想平平地食餐日本菜有咩選擇？大丸和風食堂相信系好吾錯嘅選擇，好多菜式而且價錢經濟實惠。蟹肉忌廉可樂餅好有驚喜，外層香脆可口，內層忌廉滑溜🤍蟹肉新鮮🦀吉列黑豚同樣脆卜卜🐷黑豚肉還不錯，質感偏向結實，沾上沙律醬更滋味💛月見免治雞肉棒🐔雞肉棒沾上蛋黃味道不錯。醬油七味燒左口魚邊壽司/ 蟹膏軍艦/ 鵝肝壽司醬油七味燒左口魚邊壽司正常發揮，勝在左口魚邊吾系間間日本餐廳有。蟹膏軍艦蟹膏好新鮮，鵝肝壽司油脂豐富，整體黎講壽司款式幾好，呢間餐廳好多壽司款。天婦羅配蕎麥冷麵，天婦羅幾有心思，系雜錦天婦羅有南瓜🎃茄子🍆大蝦🍤香脆而不油膩，大蝦爽口彈牙。蕎麥麵沾上素麵汁好滋味！