影片
更多
2024-10-12
877 瀏覽
餐廳裝潢簡約而優雅，木系壽司吧枱大概可容納10-12人。15品 Lunch Omakase ($880)前菜🥢黑松露茶碗蒸配水雲醋物 茶碗蒸好滑溜，入面有貝柱、蟹柳等幾多料，而水雲醋物嘅醬汁酸酸地好開胃。刺身🥢北海道厚岸真蠔真蠔好飽滿，質感彈牙爽脆，酸汁啫喱帶點橙香，nice!🥢北海道松葉蟹將松葉蟹拆肉好貼心，蟹肉海水味較濃。🥢秋刀魚二食分別有刺身及火炙2款，肉質肥美且滑溜，配搭用京蔥做嘅薑蔥油又幾特別。🥢鰹魚刺身外層用火炙帶點焦香，鰹魚肉質紮實帶點酸味。🥢北海道銀鱈魚配白子脆米窩巴銀鱈魚油脂非常豐富，火炙逼出油脂更香口，可配搭紫蘇花平衡油膩感，而白子非常肥厚，口感綿密，火炙過再放上用壽司飯做成嘅脆脆窩巴，口感有層次，好食！🥢汁煮鮟鱇魚肝魚肝好肥美，用醬汁煮過帶甜甜嘅醬油香，厚厚一片但入口即溶。手握壽司🥢醬油漬赤身 - 醬油令赤身更鮮味，而肉質口感比較黏口🥢中拖羅 - 油脂甘香🥢火炙喜之次 - 火炙過令魚油更多，帶出入口溶化感覺。🥢霜降拖羅 - 脂肪感非常豐富，好肥美。🥢腦天 - 吞拿魚稀有部位，師傅係中間加入柚子胡椒，第一口食到魚香，再嚟先有柚子胡椒味道，多份層次。🥢極大甜蝦 - 甜
15品 Lunch Omakase ($880)
前菜
🥢黑松露茶碗蒸配水雲醋物
茶碗蒸好滑溜，入面有貝柱、蟹柳等幾多料，而水雲醋物嘅醬汁酸酸地好開胃。
刺身
🥢北海道厚岸真蠔
真蠔好飽滿，質感彈牙爽脆，酸汁啫喱帶點橙香，nice!
🥢北海道松葉蟹
將松葉蟹拆肉好貼心，蟹肉海水味較濃。
🥢秋刀魚二食
分別有刺身及火炙2款，肉質肥美且滑溜，配搭用京蔥做嘅薑蔥油又幾特別。
🥢鰹魚刺身
外層用火炙帶點焦香，鰹魚肉質紮實帶點酸味。
🥢北海道銀鱈魚配白子脆米窩巴
銀鱈魚油脂非常豐富，火炙逼出油脂更香口，可配搭紫蘇花平衡油膩感，而白子非常肥厚，口感綿密，火炙過再放上用壽司飯做成嘅脆脆窩巴，口感有層次，好食！
🥢汁煮鮟鱇魚肝
魚肝好肥美，用醬汁煮過帶甜甜嘅醬油香，厚厚一片但入口即溶。
手握壽司
🥢醬油漬赤身 - 醬油令赤身更鮮味，而肉質口感比較黏口
🥢中拖羅 - 油脂甘香
🥢火炙喜之次 - 火炙過令魚油更多，帶出入口溶化感覺。
🥢霜降拖羅 - 脂肪感非常豐富，好肥美。
🥢腦天 - 吞拿魚稀有部位，師傅係中間加入柚子胡椒，第一口食到魚香，再嚟先有柚子胡椒味道，多份層次。
🥢極大甜蝦 - 甜蝦好鮮甜，而面頭嘅蝦醬汁係精華，師傅話用2日製成，未食都聞到勁香。
🥢赤海膽 - 味道好濃郁，非常甜! 師傅話就咁食唔需要配搭紫菜已經好好食。
🥢白海膽 - 味道相對無咁濃烈，反而有份清甜及回甘。
最後仲有味噌湯及甜品。甜品嘅焙茶布甸一樣有驚喜，味道濃郁帶茶香，大滿足!
個人幾喜歡手握壽司，而且師傅非常專業，亦樂意講解，而且食材非常新鮮，刺身到壽司嘅魚生都幾厚身，好足料。
張貼
