影片
更多
2021-11-03
314 瀏覽
.《羽山冰室》Chill Fat 推介：🌕🌕🌕🌕🌘 （5🌕最高）$498+10%本來一間新開嘅冰室賣開普通茶餐廳嘅嘢食，突然間搞一個大閘蟹任食究竟係咩玩法？而質素又係點？羽山冰室開喺元朗鳳琴街體育館附近嘅一條小巷入面，相比起大街人流比較少…最近見佢出咗個大閘蟹90分鐘任食，就約咗幾個老友去試下佢，當晚6:30就去到，發現原來餐廳比較細間，只有6-7張枱，入到去職員安排位置坐低就開始揀套餐（有兩款分別係$438同$498）分別在於蟹嘅大細，我哋要左$498個餐（5兩蟹公同4兩蟹乸）什錦天婦羅&泰式雞翼尖：一開始就上咗呢兩款食物，天婦羅嘅炸皮比較厚但拎上黎都熱辣辣脆口，泰式雞翼尖吾會太淋有得吮下，味道吾太入味…大閘蟹：每人每次可以叫三隻大閘蟹，咁十月接近十一月都係食蟹公嘅比較好食，所以我哋第一轉就叫咗六隻公三隻乸，一上枱啲蟹相當靚仔，齊腳漏膏，我哋食蟹公先，一搣開個蟹蓋，嘩！質素可以喎，爆膏滿晒，仲要白膏，又香又濃勁黏口，好正！再食蟹乸情況都係一樣，朋友食嘅一樣係爆哂膏，但蟹乸食到最尾有小小苦，不過都吾影響成個食蟹過程，我同朋友都係食左兩轉總共18隻蟹宣布投降，好膩好滿足！其他：另外仲有黑
《羽山冰室》
Chill Fat 推介：🌕🌕🌕🌕🌘 （5🌕最高）
$498+10%
本來一間新開嘅冰室賣開普通茶餐廳嘅嘢食，突然間搞一個大閘蟹任食究竟係咩玩法？而質素又係點？羽山冰室開喺元朗鳳琴街體育館附近嘅一條小巷入面，相比起大街人流比較少…
最近見佢出咗個大閘蟹90分鐘任食，就約咗幾個老友去試下佢，當晚6:30就去到，發現原來餐廳比較細間，只有6-7張枱，入到去職員安排位置坐低就開始揀套餐（有兩款分別係$438同$498）分別在於蟹嘅大細，我哋要左$498個餐（5兩蟹公同4兩蟹乸）
什錦天婦羅&泰式雞翼尖：
一開始就上咗呢兩款食物，天婦羅嘅炸皮比較厚但拎上黎都熱辣辣脆口，泰式雞翼尖吾會太淋有得吮下，味道吾太入味…
19 瀏覽
0 讚好
0 留言
16 瀏覽
0 讚好
0 留言
大閘蟹：
每人每次可以叫三隻大閘蟹，咁十月接近十一月都係食蟹公嘅比較好食，所以我哋第一轉就叫咗六隻公三隻乸，一上枱啲蟹相當靚仔，齊腳漏膏，我哋食蟹公先，一搣開個蟹蓋，嘩！質素可以喎，爆膏滿晒，仲要白膏，又香又濃勁黏口，好正！再食蟹乸情況都係一樣，朋友食嘅一樣係爆哂膏，但蟹乸食到最尾有小小苦，不過都吾影響成個食蟹過程，我同朋友都係食左兩轉總共18隻蟹宣布投降，好膩好滿足！
11 瀏覽
0 讚好
0 留言
35 瀏覽
0 讚好
0 留言
13 瀏覽
0 讚好
0 留言
其他：
另外仲有黑糖檸檬薑茶、紅豆沙湯圓、糯米飯可以任食，黑糖檸檬薑茶嘅配搭幾特別，唔係個個人鍾意飲，我就還可以。朋友就叫咗紅豆沙湯圓食，老細好搞笑同我哋講話啲湯圓今日整唔切，喺出邊買所以好難食，笑死我哋！事實真係正如老闆所講咁樣，哈哈！但紅豆沙幾好，正常糖水舖質素…
整體而言：
新開嘅餐廳而又第一次搞大閘蟹任食我覺得質素算係咁，非常收貨！不過我唔知老細平時夜晚係做一轉定兩轉，因為我由6:30食到9:00，老細都未趕我哋走，對於食客來講當然係好事，但係對於餐廳來講咁樣經營好難支持落去，因為我當晚係未見到有第二轉嘅客人嚟幫襯，可能因為地方比較偏僻，服務質素方面因為啱啱開鋪，好多嘢都要慢慢調整，要體諒吓。希望大家經過元朗都幫襯下，支持下小店！等呢啲有良心嘅舖頭繼續撐落去！！
17 瀏覽
0 讚好
0 留言
18 瀏覽
0 讚好
0 留言
張貼
