蝦匠 (已結業)

平時都係食日式嘅湯麵，今晚就嘗試了另外一種地道口味，本身約了朋友去食泰國菜，但行過見到隻招牌上隻大蝦便行過去望望，餐廳光猛整潔座位闊落，於是就入去了，座下店員便遞上點菜卡同筆，有點似食日本麵嘅方式，揀湯底，粉麵，配料外，還有特色泡飯選擇，但係地道就係用車仔麵嘅材料配搭，而且點菜卡背後重有不同類型嘅小食同飲品，價錢合理，點了粉麵後還可以用優惠價錢配飲品，真係十分優惠！湯底就點了這裡推介嘅蝦匠湯底$48，跟湯底已經有蝦、札肉、魚片、豆卜、芽菜，跟住就選了摻摻，油麵加米粉，大胃口嘅重有加底選擇，而自選材料第一樣吸引嘅就係半隻龍蝦$50，同埋有最愛嘅炸午餐肉$10，陳醋皮蛋$20，脆香胡椒雞翼$13兩隻x2，同埋杯特飲檸檬天葵花$16最快上枱就係份陳醋皮蛋，切開細細件圍成一個圈，中間位置放了些酸甜紫薑，皮蛋入口有陣陣陳醋嘅味道之餘，蛋黃見到都係流心，入口夠晒味道！之後就係份脆香胡椒雞翼，就係見到鄰座點了咁大隻，所以要了兩份，呢個價錢絕對夠晒街坊價，但份量大小絕對夠晒滿足，外面炸得十分香脆，咬開裡面嘅肉卻嫩滑軟熟，正！主角當然就係個蝦匠湯嘅摻摻啦，最搶眼就係個半隻龍蝦差不多佔了三分之一隻碗嘅空間