銘興山西刀削麵 (黃埔新邨) (已結業)

朋友介紹咗好耐呢度嘅刀削麵，因為我自己本身唔係好鍾意食刀削麵，所以就一直都冇幫襯，後來發現原來佢可以轉米線，就即刻過咗嚟試！佢個醉雞唔使加錢都有雞髀，仲要大大份，肉質仲要好滑，好食！不過要挑剔嘅話，就係佢啲酒味可以再濃啲，而家略嫌有啲淡。另外如果個蛋係流心蛋就更加好。星期六中午去食，都幾多人排隊，不過都係等咗10分鐘左右，效率算好高！