影片
更多
2021-12-30
176 瀏覽
每次午餐諗唔到食咩就想食點心，搵下有邊間點心時，見呢間係附近，就入去試下。喺出邊等咗一陣，好快就可以入去，入面好多人餐單係用QR code數好方便，見到隔離有長者未識用QR code，待應會幫手寫單👍🏻👍🏻不過中午人流多，見鋪頭一個收銀，兩個送餐，人手唔太夠，想搵待應都要耐心等候。呢個流沙包比一般茶樓細嗰啲，但個皮係好軟，個餡入面都好好食金沙脆皮銀蘿腸，推薦大家食！佢入面係卜卜脆，食得出係即刻新鮮炸👍🏻呢度嘅菜苗餃同我平時食開嘅有啲唔同，上面用黑松露點綴，蝦同菜苗嘅比例啱啱好，比到我對菜苗餃新嘅體驗👍🏻鳳爪個汁唔錯因為好大食嘅關係，所以嗌多個飯，網上見人哋話個飯好少，我諗其實因為佢用扁而大嘅蒸籠嚟裝住，所以先會顯得個份量好少，呢個份量夠一人食，味道正常最令我有驚喜係鮮竹卷！推薦大家食！由細到大都一定會嗌鮮竹卷食，不過後尾大個就食到厭啦因為真係好飽，今次唔夠飽嘅情況之下想嗌埋佢嚟食。嚟到嘅時候見到佢個湯好清，試咗一啖哇正！好濃嘅豆味，個湯成個魚湯咁，好好飲！第一次將成個鮮竹卷都清晒，仲要飲埋個湯🤣🤣茶位每人$3，抵呀！整體嚟講，如果想試新式點心嘅話，呢間唔錯！
喺出邊等咗一陣，好快就可以入去，入面好多人
餐單係用QR code數好方便，見到隔離有長者未識用QR code，待應會幫手寫單👍🏻👍🏻
不過中午人流多，見鋪頭一個收銀，兩個送餐，人手唔太夠，想搵待應都要耐心等候。
黑金流沙包
$25
10 瀏覽
0 讚好
0 留言
呢個流沙包比一般茶樓細嗰啲，但個皮係好軟，個餡入面都好好食
金沙脆皮銀蘿腸
$26
19 瀏覽
0 讚好
0 留言
金沙脆皮銀蘿腸，推薦大家食！佢入面係卜卜脆，食得出係即刻新鮮炸👍🏻
黑松露菜苗餃
$26
14 瀏覽
0 讚好
0 留言
呢度嘅菜苗餃同我平時食開嘅有啲唔同，上面用黑松露點綴，蝦同菜苗嘅比例啱啱好，比到我對菜苗餃新嘅體驗👍🏻
豉汁蒸鳳爪
$19
16 瀏覽
0 讚好
0 留言
鳳爪個汁唔錯
臘味飯
$42
20 瀏覽
0 讚好
0 留言
因為好大食嘅關係，所以嗌多個飯，網上見人哋話個飯好少，我諗其實因為佢用扁而大嘅蒸籠嚟裝住，所以先會顯得個份量好少，呢個份量夠一人食，味道正常
濃湯鮮竹卷
$18
7 瀏覽
0 讚好
0 留言
最令我有驚喜係鮮竹卷！推薦大家食！
由細到大都一定會嗌鮮竹卷食，不過後尾大個就食到厭啦因為真係好飽，今次唔夠飽嘅情況之下想嗌埋佢嚟食。嚟到嘅時候見到佢個湯好清，試咗一啖哇正！好濃嘅豆味，個湯成個魚湯咁，好好飲！
第一次將成個鮮竹卷都清晒，仲要飲埋個湯🤣🤣
茶位每人$3，抵呀！
整體嚟講，如果想試新式點心嘅話，呢間唔錯！
張貼
