東京大眾酒場 (已結業)

今日去完朋友屋企玩，去咗佢屋企附近一間居酒屋食晚餐，餐廳裝潢十分日式。餐廳主打關東煮同串燒，咁就梗係要試試，我哋另外仲叫咗個美人鍋。關東煮我哋揀咗日本蘿蔔、竹輪、酒場板燒魚蛋、日本魚餅、日本魷魚鬚魚蛋同埋福袋。個湯底很清甜，蘿蔔煮得夠淋而且入味。其他關東煮都唔錯，特別推介福袋，睇得又食得。明太子玉子燒，呢個好好味，明太子味夠出。牛舌&黑毛豬腩，黑毛豬腩肥瘦啱啱好，加埋調味料，口感豐富。日本和牛&芝士免治雞肉美人鍋配烏冬，個鍋比想像中大，特別提一提店員好窩心，一直幫手睇住個鍋，又會提我地幾時可以食。美人鍋主要係雞肉同埋蔬菜類，雞件份量多而且很嫩滑，食到咁上下店員會幫手落埋個烏冬。Shake Shake脆炸薯條紫菜味，好鐘意個薯條係厚切，上枱嗰陣仲熱辣辣，食到停唔到手。蟹肉蟹膏甲羅燒，呢個很足料，蟹肉蟹膏鋪滿成個殼，配埋薯片一齊食好大個蟹蓋，好抵信州白提子梳打&蘋果梳打，兩支都幾好飲，果味重。呢餐食得好滿足，食物質素都唔錯，而且餐廳環境舒適，下次又可以再嚟食過。