影片
更多
2024-07-13
5739 瀏覽
啱啱去完韓國返黎，見到呢度新開，係韓國人主理，仲要好開心可以成板上，即刻約埋屋企人去食！online book位有埋菜單睇呢點幾好，唯獨online預約左張bb櫈，點知去到原來係冇嘅，不過好彩屋企人有帶，所以online呢個information就要改返～$1000/四人餐免加一南瓜湯裏面有薏米蓉，飲落去個味唔夠甜，但幾特別～前菜有泡菜（係自己醃，食得出係新泡菜，唔係放咗好耐，如果放耐少少會更加入味，有時喺韓國街買泡菜都係呢種味）另外前菜炒粉絲係最好食嘅，仲有一個前菜係蛋包住午餐肉，呢個都比較少食到豬手，燉牛肉，醬油蟹同醬油蝦係set好左， 豬手可以再juicy啲，燉牛肉我覺得最好食，好大舊，好好肉，而且夠淋，裡面D冬菇好入味，醬油蝦得兩隻，四個人分有啲尷尬，可以考慮加錢畀人加多兩隻，但係個蝦好味又大隻，我覺得仲好食過醬油蟹～ 醬油蟹都新鮮，唔會太鹹！另外有三個菜係可以自己揀嘅，我哋揀咗八爪魚，海鮮豆腐湯，燒鯖魚， 八爪魚份量唔算太多，味道正常，未係好出色， 豆腐湯好好飲， 一路飲湯食曬成碗飯， 燒鯖魚好食，燒得唔會太乾，又大條！雖然 book枱時寫明只可以坐一個半小時， 但因為我哋八
$1000/四人餐
免加一
南瓜湯裏面有薏米蓉，飲落去個味唔夠甜，但幾特別～
前菜有泡菜（係自己醃，食得出係新泡菜，唔係放咗好耐，如果放耐少少會更加入味，有時喺韓國街買泡菜都係呢種味）
另外前菜炒粉絲係最好食嘅，仲有一個前菜係蛋包住午餐肉，呢個都比較少食到
豬手，燉牛肉，醬油蟹同醬油蝦係set好左， 豬手可以再juicy啲，燉牛肉我覺得最好食，好大舊，好好肉，而且夠淋，裡面D冬菇好入味，醬油蝦得兩隻，四個人分有啲尷尬，可以考慮加錢畀人加多兩隻，但係個蝦好味又大隻，我覺得仲好食過醬油蟹～ 醬油蟹都新鮮，唔會太鹹！
另外有三個菜係可以自己揀嘅，我哋揀咗八爪魚，海鮮豆腐湯，燒鯖魚， 八爪魚份量唔算太多，味道正常，未係好出色， 豆腐湯好好飲， 一路飲湯食曬成碗飯， 燒鯖魚好食，燒得唔會太乾，又大條！
雖然 book枱時寫明只可以坐一個半小時， 但因為我哋八點先開始識食，食完嘅時候已經開始少人，所以無趕我哋走， 職員大部分都係韓國人，好 nice! 整體感覺好唔錯！ $1000/4位唔加一呢個價錢係抵食！
平日夜晚去到full house，之前呢度係食西餐，去親都係好吉，可能因為位置問題， 希望小店繼續保持水準，或者定期轉下menu就更加好！
張貼
