一鍋堂 (XX Arcade) (已結業)

雖然而家八月熱辣辣，但係依然想打邊爐！今次去咗旺角一間CP值超高既任食火鍋店🍲呢間火鍋店除咗旺角仲有其他分店，舖頭佔全層，地方夠大座位舒適寬敞，設有好多卡位同梳化位，坐得耐都唔會覺得攰😆 今次我哋食嘅係午市100分鐘任食火鍋B餐，特選安格斯牛套餐🐂點餐形式用手機App，但係出邊都有大量配菜、蔬菜、雪糕同飲品供應 火鍋湯底方面有八款可以選擇有辣有唔辣，我哋揀咗胡椒豬肚湯底！黎到時聞到湯底香濃胡椒味仲有豬肚係底。除咗安格斯牛肉之外仲有牛舌同埋其他牛種類可以任食🤤牛肉有牛味，肥瘦均好(因為本人唔鍾意食特別超級肥嘅牛)！另外我哋覺得好驚喜嘅係佢有大量火鍋配料，甚至係一啲仼食火鍋店比較冷門嘅豬肺、豬皮牛柏葉等等都可以叫！值得一讚嘅係佢哋嘅手打丸類同滑🤩夠晒高質彈牙，而且份量啱啱好，唔使驚叫咗食其他嘢