娘惹廚房 (已結業)

娘惹菜相信大家都好少聽聞，比較少餐廳係主打這種菜式，照佢餐廳解釋就係中國菜同印尼菜嘅混合版，今次我哋就去到位於屯門嘅娘惹廚房Lunch menu 非常抵食。大概40-50蚊已經有交易，所以我已經去咗好幾次，今次我都集合左幾餐嚟畀大家睇下。巴東牛肉。醬汁都幾濃，而且牛肉都係好腍嘅同埋入味，亦都喺呢度嘅招牌菜，而且分量都足夠，起碼有6-7件牛肉，另外佢仲有幾塊蘿蔔添，有啲似大家食開嘅柱侯牛腩，但佢呢隻更加濃味。椰汁雞。椰汁雞嘅味道比較淡，啱曬一啲唔想咁重口味嘅人士，個汁攞嚟撈飯都幾好食，椰汁味唔算太濃厚，雞排都算唔少，食落都唔差嘅。咖喱雞配飯糰。咖喱汁就會相對香辣，味道亦都較椰汁雞較重，今次想講下個飯糰，佢全部嘅飯糰都擺喺個架哩雞汁下面，所以都索曬啲咖喱汁，不過飯糰本身比較厚實同粘身，我就唔太食得慣，所以之後都係轉返白飯。峇峇炒飯飯嘅分量非常之大，食落去甜甜地辣辣地噉樣，佢都用咗唔少牛柏葉嚟炒一碟飯嘅，呢個炒飯相對比較特別。總結就係價錢相宜，食物有特色，已經成為咗我嘅飯堂。