爆丼屋 (已搬遷) 新店位置

好耐冇食日本嘢，於是就去呢間book mark咗好耐嘅餐廳解解癮！-三重大極上丼作為拖羅控嘅我，見到成個拖羅山真係不得了！拖羅份量非常之多，每件油脂香溢，脂肪紋理好靚，色澤都好飽滿，非常肥美，魚味香濃，入口軟嫩甘香，唔使點豉油都非常夠味！仲有海量嘅松葉蟹肉，拆咗殻嘅蟹肉啖啖肉，非常鮮甜。而且仲有日本海膽，份量也不少，入口即溶，甘味香溢！呢個飯一次過滿足晒海鮮控三個願望，CP值高！-三色海膽丼飯我同時又係海膽丼愛好者，於是就叫朋友點埋呢個海膽丼一齊share食！呢個海膽丼滿足晒海膽控嘅口味，佢採用左源自日本、韓國同加拿大共三款品種嘅海膽，每個產地嘅海膽口感同味道都有所不同，但就各有特色！呢個價錢食到三款海膽絕對係超值！馬糞海膽厚身得黎都幾creamy，鮮味十足又夠甘香！另外兩款海膽質感細滑，色澤金黃，入口即溶！另外仲加咗一隻蛋黃喺海膽上做點綴，撈埋一齊食口感更豐富，海膽分量多到基本上每粒飯都沾滿海膽，非常滿足！-而且點每一個丼飯都會送麵豉湯，麵豉湯非常足料，有蘿蔔、海帶等等，味道濃郁！飲品篇🤩白桃果汁白桃味非常濃郁，鮮果味突出，而且仲有啖啖桃肉，必點！🤩波子汽水解渴之選，氣泡豐富又唔會太