影片
更多
2017-06-26
6501 瀏覽
同朋友去到沙田河畔花園附近的「M3 Italian」試吓意大利菜，好彩我哋比較夜少少去到，就唔使等位。首先坐低店員就攞咗三個餐包俾我哋，仲有三杯暖水俾我哋，非常體貼啊，另外啲餐包熱辣辣的，配以牛油夾入麵包中間一齊食，估唔到都幾正。我哋已經急不及待叫咗幾樣食物先，首先就係小食「炸雜錦三式」，小食比較香脆可口，我哋三個人都比較鍾意食雞翼，最特別嘅係雞翼切成一半，變咗單骨雞翼。薯角炸得好香脆，而且冇乜油，再點茄汁食，非常滋味啊。我另外個朋友比較鍾意食pizza，所以我哋選擇左「四式芝士薄餅」， 哈哈，因為佢係芝士迷，呢個Pizza包含咗四款唔同味道嘅芝士，而且餅底係薄批，所以食落去唔會太飽太「濟」，Pizza上面除咗有芝士，仲有番茄醬為主係Pizza旁邊，食落去有好濃郁嘅芝士同蕃茄味道，而且Pizza薄薄地食落去好脆口，好有質感，芝士Pizza迷必食之選。食咗啲煎炸嘢食，梗係要叫番杯嘢飲飲吓解下渴先，我就叫咗杯「紅莓汁」試吓，都係＄30一杯，我覺得幾抵。紅莓汁味道酸酸甜甜，除咗解渴之外，更可以開胃，醒胃之選。我哋比餐牌上嘅「黑松露野菌燒帶子意大利粉」圖片所吸引，見到意粉上面有好多配料，所以叫
首先坐低店員就攞咗三個餐包俾我哋，仲有三杯暖水俾我哋，非常體貼啊，另外啲餐包熱辣辣的，配以牛油夾入麵包中間一齊食，估唔到都幾正。
我哋已經急不及待叫咗幾樣食物先，首先就係小食「炸雜錦三式」，小食比較香脆可口，我哋三個人都比較鍾意食雞翼，最特別嘅係雞翼切成一半，變咗單骨雞翼。薯角炸得好香脆，而且冇乜油，再點茄汁食，非常滋味啊。
我另外個朋友比較鍾意食pizza，所以我哋選擇左「四式芝士薄餅」， 哈哈，因為佢係芝士迷，呢個Pizza包含咗四款唔同味道嘅芝士，而且餅底係薄批，所以食落去唔會太飽太「濟」，Pizza上面除咗有芝士，仲有番茄醬為主係Pizza旁邊，食落去有好濃郁嘅芝士同蕃茄味道，而且Pizza薄薄地食落去好脆口，好有質感，芝士Pizza迷必食之選。
食咗啲煎炸嘢食，梗係要叫番杯嘢飲飲吓解下渴先，我就叫咗杯「紅莓汁」試吓，都係＄30一杯，我覺得幾抵。紅莓汁味道酸酸甜甜，除咗解渴之外，更可以開胃，醒胃之選。
我哋比餐牌上嘅「黑松露野菌燒帶子意大利粉」圖片所吸引，見到意粉上面有好多配料，所以叫咗一個來試吓。果然意粉賣相非常吸引，意粉仲有不同嘅海鮮配料，例如新鮮又大隻嘅帶子，同埋好大隻嘅蜆，另外仲有我最鍾意嘅蘆筍苗。我最欣賞佢嘅帶子同埋意大利粉，帶子半生熟，食落去非常有口感，而且咬幾啖就無咗，好似有啲溶化嘅感覺。另外意大利粉好入味，食落去滿口黑松露味道，非常足料嘅黑松露意粉。
主菜再叫左「西班牙燒乳豬配薯蓉及紅椰菜」，乳豬外皮香脆，肉質滑嫩，
兩者一齊放入口食，好正，再點埋佢啲燒乳豬汁，簡直無得頂，必食！
我哋三個仲未夠飽，就叫左一個「烤安格斯西冷扒配蘆筍苗焗蒜頭及腸薯仔」，見到賣相好吸引，牛扒放喺木板上面，仲有我最鍾意嘅蘆筍苗係牛扒嘅底下，牛扒唔油膩，而且切落去中間係鮮粉紅色的，外面熟中間半生熟，食落去非常有口感，中間有彈牙嘅感覺，而且肉味濃郁，牛魔王之選。
食咗咁多野，真係樣樣都好好食，極力推薦呢間意大利餐廳！
張貼
