好茶養生 (MOKO新世紀廣場) (已結業)

今天約了閠蜜行街，行到攰見到哩間有輕食又健康既茶飲店，啲位又舒服就決定試試。睇個名都知啲飲品好養生！揀完一輪試了店員推介俾女生飲的皇牌氣血茶, 有多種補血藥材，啱哂暖宮驅寒！有玫瑰花同紅棗，飲落甜甜地，超健康之選！朋友叫了水果茶, 有好多種生果，菠蘿，蘋果，橙，士多啤梨，不太甜，好清新！蛋糕叫了打卡必選的玫瑰荔枝慕絲蛋糕，玫瑰花造型超靚！食落唔會太甜！另外士多啤梨拿破崙蛋糕都好好食，三層脆皮十分香脆，夾著軟滑忌廉，好有口感！最緊要係價錢抵，又超好坐！環境舒適，又啱同朋友打下卡，輕鬆下！