大滿喜日本料理 (已結業)

上星期朋友生日我哋決定去旺角食放題平日夜晚7:30食嘅 都係220蚊一位咋價錢嚟講算平啊.一坐低朋友就去拎左碗碗仔翅食仲見到有好多小食拎 仲有白煮蝦嘢飲有荔枝茶 同汽水類別.至於嘢食 CP值嚟講都算高最推介係汁煮鰻魚 牛肉壽喜燒鍋 同芝士帶子鰻魚煮到好淋身好入味 無骨放心食牛肉壽喜燒個湯甜甜地好正好開胃牛肉薄切好似吉野家嗰啲咁 仲有好多菜吸曬湯嘅香好正芝士帶子encore咗2次加咗沙律醬煮好吸引.刺身都好滿意 尤其係三文魚 油甘魚同有頭甜蝦 份量俾足㗎 好肥美同新鮮.甜品食咗雪糕雪條作結尾種類非常多 一定要留肚食。