影片
更多
2016-08-22
1540 瀏覽
英國讀書既朋友返香港過暑假，本來想帶佢食大喜屋，不過又貴又多人，見Openrice既鳴fusion評價唔錯，又平一截，決定拼了老命一試，點知又真係唔錯Wo。入門口唔算新淨，有少少殘殘舊舊，而且人客得一兩台（我就係鐘意少人）， 一開始都驚咁少人食會唔會係伏？餐牌上食物款式都算多，燒烤同刺身係呢到比較出名既，所以一坐底就即刻畫畫畫畫。不得不讚，呢到既刺身係我食過咁多間放題，鮮咪都算Top 3，當然佢唔會係新鮮貨，勝在夠凍同無異味，肉身都算爽脆，放入口唔會怕佢唔乾淨，幾好食都好唔乾淨就係死罪。呢到既三文魚同蝦都唔錯，螺肉夠脆，玉子就一般般，其他刺身其實都幾好，唔會話伏食唔落口。蝦望落色澤都幾靚，食落都幾鮮甜。炸物就食左椒鹽豆腐，有少少似唔臭既臭豆腐，唔算特別出色，一試無妨天婦羅做得幾好，唔係間間放題做天婦羅都有專用汁比你點，而且炸得夠脆。小食方面款式選擇唔多，但係水準幾好，肥牛金菇非常正，汁夠多。烤物真係重點，翠肉瓜烤完仲好多汁，食落又脆又爽又甜，點小小豉油食真係正。烤豬排，都係正，非常夠味而且肉質嫩。其實仲有烤矮瓜我都覺得超正，不過唔記得影相，總括而言＄200樓下食到呢個水準既放題我覺得真
入門口唔算新淨，有少少殘殘舊舊，而且人客得一兩台（我就係鐘意少人）， 一開始都驚咁少人食會唔會係伏？餐牌上食物款式都算多，燒烤同刺身係呢到比較出名既，所以一坐底就即刻畫畫畫畫。
不得不讚，呢到既刺身係我食過咁多間放題，鮮咪都算Top 3，當然佢唔會係新鮮貨，勝在夠凍同無異味，肉身都算爽脆，放入口唔會怕佢唔乾淨，幾好食都好唔乾淨就係死罪。
呢到既三文魚同蝦都唔錯，螺肉夠脆，玉子就一般般，其他刺身其實都幾好，唔會話伏食唔落口。
蝦望落色澤都幾靚，食落都幾鮮甜。
炸物就食左椒鹽豆腐，有少少似唔臭既臭豆腐，唔算特別出色，一試無妨
天婦羅做得幾好，唔係間間放題做天婦羅都有專用汁比你點，而且炸得夠脆。
小食方面款式選擇唔多，但係水準幾好，肥牛金菇非常正，汁夠多。
烤物真係重點，翠肉瓜烤完仲好多汁，食落又脆又爽又甜，點小小豉油食真係正。
烤豬排，都係正，非常夠味而且肉質嫩。
其實仲有烤矮瓜我都覺得超正，不過唔記得影相，總括而言＄200樓下食到呢個水準既放題我覺得真係唔錯，推。
張貼
